Korea e Veriut testoi me sukses një raketë hipersonike të mërkurën – testi i parë i madh i armëve këtë vit. Lajmin e bëri të ditur një raport i medias shtetërore koreane.
KCNA-ja tha se “goditi me saktësi” një objektiv të caktuar 700 km (434 milje) larg.
Ky është testi i dytë i raportuar i një rakete hipersonike, e cila mund të shmangë zbulimin shumë më tepër se raketat balistike.
Testi vjen pasi udhëheqësi i saj, Kim Jong-u, ishte zotuar më herët se do të forconte mbrojtjen e Pyongyang-it.
Kim tha gjatë fjalimit të Vitit të Ri se Pyongyang-i do të vazhdojë të forcojë aftësitë e tij mbrojtëse për shkak të një mjedisi gjithnjë e më të paqëndrueshëm ushtarak në gadishullin Korean.
Gjatë vitit të kaluar Korea e Veriut testoi një sërë raketash, në mes të bisedimeve të bllokuara me Korenë e Jugut dhe SHBA-të.
Pyongyang-i i bashkohet një numri të vogël vendesh, përfshirë Shtetet e Bashkuara dhe Kinën, në përpjekjet për të zhvilluar raketa hipersonike.
Lëshimi i fundit u zbulua për herë të parë nga roja bregdetare japoneze të mërkurën e 5 janarit në mëngjes, përpara se të konfirmohej nga autoritetet e mbrojtjes në Seul.
Sipas raportimit të KCNA-së gjatë testit të së mërkurës, “koka rrëshqitëse hipersonike” u shkëput nga përforcuesi i saj i raketës dhe manovroi 120 km (75 milje) anash përpara se të “godiste me saktësi” një objektiv 700 km (430 milje) larg.
Ai tha se testi konfirmoi gjithashtu komponentë të tillë si kontrolli i fluturimit dhe aftësia e tij për të operuar në dimër.
Armët hipersonike zakonisht fluturojnë drejt objektivave në lartësi më të ulëta se raketat balistike dhe mund të arrijnë më shumë se pesë herë shpejtësinë e zërit – ose rreth 6 mijë e 200 km në orë (3 mijë e 850 milje në orë).
Eksperti i mbrojtjes nga “Carnegie Endowment for International Peace”, Ankit Panda, tha për agjencinë e lajmeve ndërkombëtare “Reuters” se raketa e lëshuar së fundi nuk është e njëjta raketë hipersonike që u testua shtatorin e kaluar – “Hwasong-8” – por se ajo ka disa karakteristika të ngjashme.
Raketa e re u debutua për herë të parë gjatë një ekspozite mbi mbrojtjen. në Pyongyang, në tetor 2021.
Testet kryhen në një kohë që Pyongyang-u lufton me mungesën e ushqimit për shkak të një krize dhe bllokade për shkak të coronavirus-it, që ka prekur rëndë ekonominë e tij.
Në takimin e fundvitit, Kim tha se vendi po përballet me një “luftë të madhe për jetë a vdekje“, duke shtuar se rritja e zhvillimit dhe përmirësimi i standardeve të jetesës së njerëzve ishin ndër synimet e këtij viti.
Pavarësisht kësaj, Korea e Veriut nuk tregon asnjë shenjë të ngadalësimit të programit të saj të armatimit, duke thënë se armët janë të nevojshme për vetëmbrojtjen e saj.
SHBA-të i kanë bërë thirrje Koresë së Veriut të heqë dorë nga armët e saj bërthamore dhe marrëdhënia e Pyongyang-it me administratën e Presidentit amerikan Joe Biden deri më tani, ka qenë e mbushur me tensione.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës