Kryetari i Kosovës, Glauk Konjufca, ka takuar të mërkurën shefin e Misionit të Bashkimit Evropian për Sundim të Ligjit (EULEX), Giovanni Pietro Barbano, ku kryekuvendari ka vlerësuar kontributin e Misionit të BE-së në Kosovë.
“Ai u shpreh se ky kontribut i ka dhënë efektet e tij edhe në kapacitetet e Republikës së Kosovës për t’u përballur me të gjitha sfidat që gjenden përpara”, bëhet e ditur në një komunikatë për media, pas takimit.
Në takim ndër të tjera është diskutuar për çështje të bashkëpunimit midis Republikës së Kosovës dhe EULEX-it, sa i përket fushës së sundimit të ligjit, nga perspektiva e aktualitetit dhe synimeve të përbashkëta për ligjshmëri të kudogjendur, demokraci vibrante dhe stabilitet afatgjatë.
“Bashkëbiseduesit theksuan gatishmërinë e tyre për bashkëpunim të vazhdueshëm e gjithnjë e më substancial, me qëllimin përparimin gjithnjë e më të madh në drejtim të sundimit të ligjit”, potencon komunikata.
Për takimin në fjalë është deklaruar edhe Barbano.
Nëpërmjet një postimi në platformën sociale, X, Barbano, bisedën me Konjufcën e ka konsideruar si mjaft konstruktiv.
“Ne diskutuam bashkëpunimin e vazhdueshëm dhe ripërtëriva gatishmërinë e EULEX-it për të vazhduar mbështetjen e institucioneve të Kosovës në avancimin e sundimit të ligjit në interes të të gjitha komuniteteve dhe mbrojtjen e të drejtave të njeriut”, ka shkruar Barbano.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
PSD: Kurti dhe Sveçla janë bashkëpunëtorë të Vuçiç-it sipas kritereve që kanë vendosur për Urën e Ibrit
-
Fidan: Të kesh marrëdhënie vëllazërore me Kosovën është obligimi ynë historik
-
PDK: Kurti përveç se degradoi standardin e jetesës, tash po rrezikon seriozisht të ardhmen politike të vendit
-
Pesë spitale regjionale pa asnjë mjekë të kirurgjisë
Lajmet kryesore
-
Në një Shtet ku Ligji Humb Midis Fushës dhe Korrupsionit: Komedia e Errët e Futbollit të Kosovës
-
Ngrihet Komitet i Përbashkët Konsultativ për integrimin e Shqipërisë në BE
-
Shkon në 37 numri i viktimave nga vala e dytë e shpërthimeve në Liban
-
PSD: Kurti dhe Sveçla janë bashkëpunëtorë të Vuçiç-it sipas kritereve që kanë vendosur për Urën e Ibrit