Konjufca për vrasjen e 10 personave të familjes Rama: Është sakrifica më e lartë për atdheun

Kryetari i Kuvendit të Kosovës, Glauk Konjufca, ka përkujtuar vrasjen e 10 personave të familjes Rama në qytetin e Obliiqit me rastin bombardimeve të NATO-s, duke thënë se “është sakrifica ma e lartë për atdheun”.

“Dhe unë e konsiderojë sakrificën e familjes Rama drejtpërdrejt si vazhdimësi dhe si frymëzim i sakrificës së familjes Jashari nga Prekazi”, tha Konjufca.

Sipas tij, kjo është një familje e madhe e Kosovës e cila u sakrifikua duke luftuar bashkë, burra dhe gra për lirinë e fëmijëve tonë, “për lirinë e brezave që kanë ardhur”.

“Rënia e dëshmorëve na i garanton themelet e forma të shtetit dhe të lirisë tonë, dhe na frymëzon e na jep shembull që edhe në të ardhmen kurdo e sa herë që është në rrezik atdheu, na tregon se s’di duhet të veprojmë saktë, si mbrohet liria dhe si për liri nuk kursehet asgjë duke përfshirë edhe jetën e njeriut”.

Ndërsa, kryetari i Komunës së Obiliqit, Xhafer Gashi potencoi se familja Rama ishte çerdhe e UÇK-së, prandaj sipas tij, “kjo ditë sa është lavdi është edhe dhimbje për familjen Rama, për bashkëveprimtarët”.

Ndryshe dëshmorët e familjes Rama, në mesin e tyre edhe fëmijë, janë vrarë para 23 vjetëve nga forcat serbe me rastin e fillimit të bombardimeve të NATO-s kundër ish-Jugosllavisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.