Komiteti Teknik: Nga 4 janari karta e vaksinimit – e detyrueshme për punonjësit e administratës publike, supermarketeve dhe qendrave tregtare
Komiteti Teknik i Ekspertëve ka zhvilluar mbledhjen e radhës për të raportuar mbi gjendjen e infektimeve të reja me COVID-19 dhe hyrjen e mundshme të variantit të ri Omicron në Shqipëri.
Zëvendës ministrja e Shëndetësisë, Mira Rakacolli, deklaroi se deri më 31 dhjetor do të duhet të vaksinohen të gjithë punonjësit e administratës publike, punonjësit e supermarketeve dhe qendrave tregtare – pas studentëve dhe mësuesve.
Nga data 4 janar do të kërkohet karta e vaksinimit për secilën nga këto kategori.
Për ata punonjës që nuk janë vaksinuar do të kërkohet prova e testit PCR negative çdo 5 ditë.
Ndër të tjera, Rakacolli ravijëzoi se çdo shtetas mbi 18 vjeç mund të bëjë dozën e tretë të vaksinës – nëse ka kaluar 6 muaj nga dozimi i fundit.
Më tej, nga data 3 dhjetor nuk do të lejohet të hyjnë shtetas që në historikun e fundit 14-ditor të udhëtimit të tyre e kanë pasur në një nga pesë shtetet e Afrikës: Afrikë e Jugut; Kenia; Angola; Zambia; Botswana dhe Senegal.
Fillimisht Rakacolli, sqaroi për publikun se varianti i ri ka rreth 50 mutacione në përbërjen e tij.
Rakacolli zbuloi se Komiteti ka ndjekur me vëmendje masat e ndërmarra nga qeveritë e tjera lidhur me situatën epidemiologjike nga varianti Omicron.
Shefja e Departamentit të Epidemiologjisë në ISHP, Prof. Dr. Silva Bino, shtoi se në javët e fundit është rritur mbulesa vaksinale në Shqipëri.
Bino nënvizoi se në vendin tonë nuk është regjistruar një rritje e infeksioneve të reja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore