Komisioni i Rithemelimit: Thirrja e Kuvendit Kombëtar nga Basha, nul

Komisioni i Rithemelimit i krijuar të shtunën e 11 dhjetorit nga Kuvendi i thirrur nga ish-kryetari i Partisë Demokratike, Sali Berisha ka deklaruar ditën e sotme se thirrja e Kuvendit Kombëtar nga kreu, Lulzim Basha është “nul dhe e paligjshme”.

“Dje me 4 mijë e 446 vota Kuvendi Kombëtar i PD vendosi shkarkimin e Lulzim Bashës nga posti i kryetarit për shkeljen e rëndë statutore, si dhe konstatoi paligjshmërinë e pjesëve më të mëdha të kryesisë si të zgjedhur në flagrant me statutin e PD. Gjithashtu, ju bëjmë me dije se Kuvendi Kombëtar ka mandatuar Komisionin e Rithemelimit për të kryer vakumin e krijuar deri në zgjedhjen e kryetarit dhe kryesisë së re!”.

Gjithashtu nga Komisioni është bërë thirrje të bojkotohet “mbledhja dhe mos organizimin e pjesës së paligjshmërisë!”

“Ju ftojmë edhe më shumë pjesë të pjesëve të përçarjes dhe të dëmtimit nga PD për karrigen e thyerjes së Lulzim Bashës. Sot është momenti i bashkohemi duke dëgjuar zërin dhe vullnetin e demokratëve!”.

Ndryshimet statuore

Pika më kryesore e statutit nga dita e djeshme ishte ajo e krijimit të një Komisioni Tranzitor rithemelimi me 15 anëtarë. Kjo do të ushtrojë të gjithë kompetencat që i takojnë organeve qëndrore të PD-së, me përjashtim të atyre që i takojnë Kuvendit Kombëtar.

Ky komision, përshkruhet gjithashtu si përgjegjës për organizimin dhe mbajtjen e proceseve zgjedhore brenda PD-së.

Krijimi i organeve të reja brenda të djathtëve, sipas nenit 65 të tij, fillon menjëherë dhe përfundon jo më vonë se tre muaj pas hyrjes në fuqi.

Brenda marsit, demokratët mund të kenë një lidership të ri drejtues. Kryetari do të zgjidhet sipas parimit “një anëtar një votë”.

Çdo akt i organeve të partisë i ndërmarrë para hyrjes në fuqi të këtij statuti dhe që bie në kundërshtim me dispozitat e tij, shfuqizohet automatikisht me hyrjen në fuqi të statutit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.