![](https://albanianpost.com/wp-content/uploads/2024/05/tynhgnjhy.png)
Komisioni Evropian ka njoftuar një ditë më parë synimin për të tërhequr procedurën e Nenit 7 të Traktatit kundër Polonisë për shkelje të rëndë të shtetit ligjor, pasi ka përfunduar analizën mbi situatën në vend pas ardhjes së qeverisë së re të Donald Tusk.
Sipas Komisionit, “Polonia ka nisur një sërë masash legjislative dhe jo legjislative për të adresuar shqetësimet në lidhje me pavarësinë e sistemit gjyqësor, ka njohur përparësinë e ligjit të Komunitetit dhe është angazhuar për zbatimin e të gjitha vendimeve të Gjykatës së Drejtësisë së Bashkimi Evropian dhe Gjykatës Evropiane të të Drejtave të Njeriut në çështjet e shtetit të së drejtës, duke përfshirë pavarësinë e gjyqësorit”.
Rrjedhimisht – në sytë e Komisionit – “nuk ekziston më një rrezik i qartë i shkeljes së rëndë të shtetit të së drejtës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com