Koleksioni i Armani-t dëshmon se ndjekja e gjeneratës Z nuk është e nevojshme

Koleksioni i vjeshtës për meshkuj nga Giorgio Armani shërbeu si një kujtesë këtë sezon se jo gjithmonë duhet të ndjekësh gjeneratën Z.

Armani, stilisti më i suksesshëm në botë i modës dhe pronari i një prej markave të pakta të pavarura të modës, nuk bën taktika dhe tendenca shokuese.

Teksa bashkëkohësit e tij nxjerrin çanta të rënda me logo dhe momente emocionuese, 88-vjeçari ka qenë gjithmonë konsistent në ofertën e tij prej 1 për qind elegance për pjesën më të mirë të pesë dekadave.

Koleksioni vjeshtë/dimër 2023 i Armani-t nuk ishte vetëm i frymëzuar nga skena fisnike e modës në Milano, por përshtatej pikërisht aty.

Rrobat e kashmirit u takuan me pantallona mëndafshi teksa kadifeja u shfaq në çdo gjë, nga xhaketat deri te këpucët.

Kishte veshje për ski dhe veshje mbrëmjeje me shkëlqim, duke siguruar që të gjitha argëtimet e listës A të ishin një ngjarje për t’u veshur mirë.

Ishte një pjesë e një ndryshimi më të gjerë të atmosferës këtë sezon në shfaqjet e veshjeve për meshkuj në Milano, ku dizajnerët shmangën “momentin në Insta” për t’u fokusuar në atë që historikisht kanë bërë mirë.

Kurse te Dolce & Gabbana, dyshja legjendare e dizajnit për ofrimin e ekstravagancës superlative ishin të lodhur nga shpërqendrimet dhe paraqitën kostume të mprehta.

Edhe Miuccia Prada, e cila zakonisht sfidon modën në një sferë të re intelektuale, foli për kthimin në “bazat e modës”.

Për Armani-n, besnikëria ndaj kodeve afatgjata të markave është një biznes fitimprurës.

Shifrat e fundit nga perandoria e tij treguan se të ardhurat totale nga produktet e markës në mbarë botën në vitin 2021 arritën në 4.05 miliardë euro.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.