Luhet sot finalja e Superkupës së Gjermanisë mes Borussia Dortmund dhe Bayern Munich.
Në “Signal Iduna Park” të Dortmund-it, fituesit e kupës presin kampionët e ligës.
Dortmund-i i Haaland-it apo Bayern-i i Lewandowski-t, dy sulmuesit në formë shumë të mirë, vijnë përballë njëri tjetrit.
Mirëpo, të dy skuadrat përballen me shumë mungesa, shumica për shkak të lëndimit.
Te verdhezinjtë e Marco Rose-s, mungojnë tetë futbollistë.
Ata janë: Brandt, Coulibaly, Guerreiro, Hummels, Meunier, Morey Bauza, Schmelzer dhe Zagadou.
Kurse në anën tjetër, Julian Nagelsmann nuk do të ketë në dispozicion Hernandez, Pavard, Roca dhe Tolisso.
Të dy trajnerët janë në vetëm ndeshjet e dyta zyrtare me klubet e tyre.
Dortmund e Rose-s vjen pas fitores 5-2 përballë Frankfurt, kurse Bayern-i i Nagelsmann pas barazimit me Gladbach-un.
Kjo finale është e pesta në gjashtë vitet e fundit mes këtyre skuadrave.
Bayern janë “mbretërit” e Superkupës, me tetë tituj në total.
Donyell Malen, blerja e re e Dortmund-it, do të përballit me mbrojtësin e ri të Bayern-it, Dayot Upamecano. Të dy futbollistët synojnë një fillim sa më të mirë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
