![](https://albanianpost.com/wp-content/uploads/2023/05/mason-greenwood_b0khxp6awst51h8n0qg32fk0f.jpg)
Mason Greenwood nuk është më në planet e Manchester United, andaj ai pritet të largohet në verën e ardhshme nga “Old Traford”.
Ai ka qenë i pezulluar nga “Djajtë e Kuq” që nga janari i vitit të kaluar, për shkak se u arrestua për dhunë ndaj të dashurës së tij.
Megjithatë, 21-vjeçari u shpall i pafajshëm me këtë akuzë, por nuk pritet të rikthehet në Manchester pasi që ndihet i tradhtuar për mënyrën se si ata e trajtuan.
Në këtë mënyrë, mediat në Angli shkruajnë se Juventus, Milan dhe Roma janë të interesuara për ta transferuar talentin anglez.
Mediumet angleze madje shkruajnë se përfaqësuesit e klubeve të lartcekura tashmë kanë zhvilluar bisedime me agjentët e lojtarit.
Mbetet të shihet se cili do të jetë destinacioni i Greenwood, i cili shihej si një nga talentët më të mëdhenj në Evropë, para se të arrestohej.
Kujtojmë që para se t’i mbushte 20 vjeç, Greenwod luajti 129 ndeshje me fanellën e Manchester-it, prej të cilave ka shënuar 35 gola dhe ka dhuruar 12 asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com