Klopp e konfirmon largimin e radhës nga Liverpool-i

Aventura një-vjeçare e Arthur Melo-s te Liverpool-i do të përfundojë këtë verë.

Largimin e mesfushorit brazilian e ka konfirmuar vetë trajner i Liverpool-it, Jurgen Klopp.

“Do të doja t’i uroja më të mirën Arthur-it pasi periudha e tij e huazimit po përfundon – profesionalizmi dhe aftësia e tij ishin të qarta për të gjithë ata që punuan me të”, ka thënë se fundmi tekniku gjerman, duke konfirmuar që Melo do të largohet.

Jurgen Klopp confirms Arthur Melo exit: “I would like to wish the best to Arthur as his loan period comes to an end — his professionalism and ability were clear to all who worked with him”. 🔴 #LFC

Arthur will leave Juventus this summer — he will be available on the market. pic.twitter.com/xroa8oGJkE

— Fabrizio Romano (@FabrizioRomano) May 22, 2023

Kujtojmë që 26-vjeçari pati një sezon të tmerrshëm me skuadrën e “The Reds”, duke luajtur vetëm në 256 minuta në katër ndeshje, prej të cilave asnjë nuk ishte në Premier Leauge.

Ai do të rikthehet te skuadra e Juve-s, por me gjasë edhe nga aty pritet të largohet për shkak që nuk është as në planet e bardhezinjve.

Melo ishte futbollist i Barcelonës që nga viti 2018, kur ishte transferuar nga skuadra braziliane, Gremio, për shumën e 31 milionë eurove.

Ai më pas iu bashkua Juventus-it dy vite më vonë me disa shkëmbime futbollistësh, ku sipas “Transfermarkt” vlera e transferimit të tij e kapi shumën e 76 milionë eurove.

Kujtojmë që pak ditë më parë, Liverpool-i njoftoi edhe largimin e katër futbollistëve gjatë kësaj vere.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.