Në Kinë, qeveria u ka kërkuar prodhuesve të automjeteve të forcojnë mbrojtjen e të dhënave dhe të ruajnë të dhënat kryesore të krijuara në vend.
Agjencia e lajmeve, “Reuters”, tregon se prodhuesit e automjeteve duhet të marrin miratimin rregullator për të dyja këto çështje kur kanë nevojë të eksportojnë të dhëna kritike dhe para se të azhurnojnë sistemet e makinave.
Kjo në bazë të një politike të re të publikuar nga Ministria e Industrisë dhe Teknologjisë së Informacionit të publikuar në faqen e saj të internetit.
Nga ana tjetër, nëse kompanitë nuk i ndjekin rregullat e parashikuara, politika e re nuk përfshin ndëshkime.
Sipas “Reuters”, lëvizja vjen në mes të shtytjes së Kinës për të siguruar të dhënat e krijuara nga automjetet e lidhura pasi përhapja e makinave të zgjuara, si Tesla, nxit shqetësimet për sigurinë kombëtare.
Kjo në përputhje me qëllimin e saj më të gjerë për të forcuar politikat rreth privatësisë.
Në prill, Kina nxori një version të dytë të një projektligji për mbrojtjen e informacionit personal, i cili bën thirrje që platformat teknologjike të vendosin masa më të rrepta për të siguruar ruajtjen e sigurt të të dhënave të përdoruesit.
Kurse në shtator, pritet të zbatojë Ligjin për Sigurinë e të Dhënave, i cili kërkon që kompanitë që përpunojnë “të dhëna kritike” të kryejnë vlerësime të rrezikut dhe të paraqesin raporte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural
-
BE-ja tërheq këmbëzën ndaj Kinës
-
Peleshi në Ministerialin e CEDC-Ballkani Perëndimor: Shqipëria, promovuse e bashkëpunimit rajonal dhe fqinjësisë së mirë
-
Shpërndante kokainë me doza në Shëngjin, arrestohet 26-vjeçari