![](https://albanianpost.com/wp-content/uploads/2022/03/4000.jpg)
Një qytet industrial prej 9 milionë banorësh është izoluar nga autoritetet shëndetësore kineze, pas raportimeve të 4 mijë e 770 rasteve të reja të virusit – një valë e variantit Omicron.
Të martën e 22 marsit, autoritetet shëndetësore raportuan se infeksionet janë hasur kryesisht në pjesën më të madhe të provincës verilindore të Jilin-it, pasi qyteti i Shenyang-it në provincën fqinje Liaoning u urdhërua të mbyllej të hënën mbrëma.
Kina ka shkuar me hapa të shpejtë në javët e fundit, për të zhdukur grupimet e viruseve me një kombinim të bllokimeve hiper-lokale, testime masive dhe mbyllje në mbarë qytetin.
Autoritetet kanë paralajmëruar për rrezikun nga bllokimet e vazhdueshme, ndërsa vendi përpiqet të balancojë krizën shëndetësore me nevojat e ekonomisë së dytë më të madhe në botë.
Shenyang, bazë industriale shtëpi e fabrikave, përfshirë prodhuesin e makinave “BMW”, raportoi 47 mijë raste të reja të martën, pasi autoritetet i vendosën të gjitha komplekset e banesave nën “menaxhimin e mbyllur” dhe i ndaluan banorët të largoheshin pa një rezultat negativ të testit 48-orësh.
![](https://albanianpost.com/wp-content/uploads/2022/03/4000.jpg)
Javën e kaluar, presidenti kinez Xi Jinping theksoi nevojën për të “minimizuar ndikimin” e pandemisë në ekonominë e Kinës, por gjithashtu u kërkoi zyrtarëve që t’i “mbahen” qasjes aktuale zero-COVID.
Disa qytete si Shangai kanë shmangur një bllokim të plotë, duke imponuar një rrjetë bllokimesh individuale të ndërtesave, edhe pse infeksionet e reja ditore asimptomatike atje shkojnë në qindra.
Zyrtarët provincialë Jilin njoftuan të hënën se 10 mijë dozat e para të ilaçit oral COVID të markës Pfizer mbërritën të dielën, duke shënuar herën e parë që Paxlovid është përdorur në Kinë.
Provinca javën e kaluar vendosi kufizime të rrepta udhëtimi, duke ndaluar vendasit të largohen nga qytetet dhe qarqet e tyre, ndërsa disa qytete tashmë i kanë mbyllur banorët në shtëpi.
Fuqia jugore e teknologjisë e Shenzhen, të hënën njoftoi se do të hiqte bllokimin e saj njëjavor “në mënyrë të rregullt”, pasi kishte lehtësuar pjesërisht masat të premten për të minimizuar ndikimin e mbylljeve të virusit në fabrika dhe porte.
Javën e kaluar, zyrtarët shëndetësorë zbuluan se vetëm rreth gjysma e kinezëve të moshës mbi 80 vjeç janë vaksinuar dyfish, pasi spektri i niveleve të tmerrshme të vdekshmërisë nga COVID-19 në Hong Kong – kryesisht në mesin e të moshuarve të pavaksinuar – varet mbi vendimmarrjen e Pekinit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist