KFOR-i paralajmëron se “s’do të hezitojë” të merret me secilin zhvillim që mund të cenojë sigurinë dhe stabilitetin
Forca e NATO-s në Kosovë (KFOR) deklaroi në një komunikë për shtyp se ushtarët e misionit ishin në terren dhe kryen patrulla përgjatë kohës së zhvillimit të protestes së pjesëtarëve të komunitetit serb në Mitrovicën e Veriut, në afërsi të urës mbi lumin Ibër, hapjen e së cilës e kundërshtuan të mërkurën serbët lokalë që përbëjnë shumicën në veri të Kosovës.
“Trupat e KFOR-it ishin në terren dhe kryen patrulla në zonat përreth për të siguruar një mjedis të sigurt dhe të qetë. Protesa vazhdoi pa ndonjë ndërprerje të raportuar apo shqetësime sigurie – KFOR-i vazhdon të zbatojë mandatin e tij të OKB-së, për të mirën e të gjithë njerëzve dhe komuniteteve që jetojnë në Kosovë, në çdo kohë dhe në mënyrë të paanshme”.
KFOR-i ndër të tjera paralajmëroi se “nuk do të hezitojë” që të trajtojë secilin zhvillim që mund të ketë ndikim në siguri dhe stabilitetin rajonal, në përputhje me mandatin e Organizatës së Kombeve të Bashkuara (OKB).
Kryeministri i Kosovës, Albin Kurti, pas përfundimit të protestës atje, ftoi pjesëtarët e komunitetit serb të marrin pjesë të enjten në diskutimet në Mitrovicën e Veriut, në të cilin nënvizoi se mund të njoftohen mbi përfitimet nga hapja e urës dhe të shprehin shqetësimet e tyre të cilat do të trajtohen nga përfaqësuesit institucionalë dhe institucionet e Kosovës.
“Për shumë gjatë Ura e Mitrovicës mbi Ibër na ka mbajtur në distancë. Asaj padrejtësisht i është dhënë epiteti i ndasisë dhe marrëdhënieve jonormale. Urat na bashkojnë, e bashkë le ta bëjmë atë simbol të normalizimit”, tha ai.
KFOR-i është reaguesi i tretë i sigurisë në Kosovë, pas Policisë së Kosovës që është e para, dhe pas misionit të Bashkimit Evropian (BE) për sundim të ligjit (EULEX). E megjithë kundërshtimin e bashkësisë së organizuar ndërkombëtare, autoritetet në Kosovë janë të vendosur ta hapin urën kryesore mbi lumin Ibër, e cila aktualisht ndan qytetin e Mitrovicës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke