Sport

KFOR-i organizon garë vrapimi për fëmijët me nevoja të veçanta


KFOR-i ka organizuar një garë vrapimi në Mitrovicën Veriore për të ndihmuar financiarisht fëmijët me nevoja veçanta.

Përmes llogarisë së tyre në Twitter, KFOR-i ka njoftuar se ata e kanë organizuar garën, prej 5 kilometrash, së bashku me kryetarin e Komunës së Mitrovicës së Veriut.

Arsyeja e garës ishte mbledhja e fondeve për pushimet e fëmijëve me nevoja të veçanta, ku donatorë ishin kontingjenti danez.

Përgjatë garës, arritën të mblidhen një shumë prej afër 6 mijë eurosh.

“Me iniciativën e COMKFOR dhe nënkryetarit të Mitrovicës Veriore, KFOR-i organizoi një vrapim bamirësie prej 5 kilometrash, për të mbështetur fëmijët me nevoja të veçanta. Paratë, e dhuruara nga kontigjentit danez, do të përdoren për të organizuar një udhëtim pushimi për fëmijët me nevoja të veçanta”.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore