KFConsole, videolojëra dhe ushqim në një pajisje

Gjigandi botëror i ushqimit të shpejtë, KFC, ka hedhur në treg një konsolë të re, e cila është e pajisur me një “dhomë” që mban ushqimin tuaj të ngrohtë gjatë kohës që luani.

The future of gaming is here.

Introducing the KFConsole. #PowerYourHunger pic.twitter.com/ssUrX41Ab1

— KFC Gaming (@kfcgaming) June 12, 2020

KFConsole është pjesë e partneritetit midis kompanisë Cooler Master dhe KFC. Pajisja, e cila ka formën e koshave klasikë ku KFC-ja servir pulën e skuqur, do të jetë konsola e parë në botë që mban ngrohtë ushqimin.

“E ardhmja e videolojërave është këtu”, shkruhet në Twitter-in e KFC. “Mban ushqimet ngrohtë, gati për t’u konsumuar gjatë sesioneve intensive të lojërave”.

Dhoma e posaçme mund të përdoret sigurisht për të futur ushqimin klasik të KFC, pulën e skuqur. Por, ajo mund të shërbejë dhe për ushqime të tjera, ose “snack” të ndryshëm.

Për ata që janë meraklinj të specifikimeve, pajisja do të vihet në punë nga procesori Intel Nuc 9 Exptreme Compute Element. Memoria do të jetë 1 terabyte SSD.

Grafika do të jetë e përkryer, e përshtashme për t’u luajtur në 4K. Mund të adaptohet deri në 240 frame në sekondë. Mjafton të përmendet fakti se konsola e Sony-t, Play Station 5, arrin vetëm deri në 120 frame në sekondë.

Në fakt, KFC-ja nuk i ka kursyer as batutat në media sociale. “Nëse Sony ose Microsoft duan këshilla mbi si bëhet një konsolë, janë të mirëpritur të kontaktojnë”.

Çmimi nuk është bërë ende i ditur, por nga zërat e parë, do të jetë rreth 2 mijë dollarë./AlbanianPost.com

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.