Fondi për të Drejtën Humanitare në Kosovë (FDH), përmes një komunikate për media ka kërkuar që dënimet për kryerësit e krimeve të luftës në Kosovë, të jenë më të qarta.
Sipas FDH-së, për secilin veprim inkriminues duhet të jepet dënimi e pastaj të jetë dënimi i unifikuar.
“Fondi për të Drejtën Humanitare Kosovë konsideron se është duke u vendosur një praktikë që në aktgjykimet për krime lufte nuk specifikohen veprimet konkrete të të pandehurve, por ato përgjithësohen në veprimet e një grupi dhe krijohet bindja se një anëtar i grupit dënohet për veprimet inkriminuese të personave tjerë”.
Kërkesë tjetër e FDH-së, ka qenë që kjo praktikë e shqiptimit të dënimeve të ndërprehet.
“Kjo praktikë duhet ndërprerë dhe duhet arsyetuar secilin veprim inkriminues të të pandehurve dhe të jepet dënimi për secilin prej tyre veç e veç, e pastaj të jepet dënimi i unifikuar. Në këtë mënyrë publiku mund ta ketë shumë më të qartë se për cilat krime dënohet i pandehuri”, thuhet në një reagim të FDH-së.
Më 2 shkurt, Gjykata Themelore në Prishtinë, të premten, ka dënuar me 13 vjet heqje lirie serbin, Dushko Arsiç, i akuzuar për krime lufte në fshatin Butovc të Komunës së Prishtinës.
Sipas aktakuzës, Arsiç ngarkohet se ka marrë pjesë në vrasjen e shqiptarit Brahim Shala më 20 prill 1999.
Ai gjithashtu akuzohet se ka malltretuar fizikisht dhe psiqikisht të dëmtuarin Artan Krasniqin.
Në aktakuzën e ngritur nga Prokuroria Speciale më 2 nëntor 2022, thuhej se ekziston dyshimi i bazuar se Arsiç në bashkëkryerje me pjesëtarë të tjerë të Policisë serbe dhe grupet paramilitare, në muajt janar-qershor 1999, ka marrë pjesë në dëbimin dhe shpërnguljen e qytetarëve nga Prishtina dhe rrethina.
Në aktakuzë theksohet se Arsiç ka marrë pjesë edhe në plaçkitjen e shtëpive, si dhe më pas me qëllim të dëmtimit të pronës së shqiptarëve ia ka vënë zjarrin.
Dushko Arsiç u arrestua më 8 dhjetor 2021 në pikë kalimin kufitar në Jarinje.
Ai para trupit gjykues u deklarua i pafajshëm për akuzat për krime lufte.
Arshiç dënohet me 13 vjet burgim, shpallet fajtor për krime lufte
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia ka realizuar 95 operacione gjatë prillit, 120 shtetas të proceduar për dhunë në familje
-
Putin urdhëron stërvitje të armëve taktike bërthamore
-
Gërvalla dhe Maqedonci marrin pjesë në konferencën dy ditore të “Defence24 Days”
-
Mbytja e nënës me tre fëmijët në Shkodër, palombarët kërkojnë ndihmën e Ushtrisë