Çaji i kamomilit është përdorur prej kohësh në trajtimin e pagjumësisë, por hulumtimet tregojnë se kjo bimë shumë e dobishme gjithashtu ndihmon në zbutjen e ndjenjave të ankthit dhe është e mirë për ruajtjen e shëndetit të kockave.
Kur pini një filxhan çaj kamomili pas darkës, mund të ndiheni më të relaksuar dhe gati për të fjetur. Por nuk është vetëm lëngu i ngrohtë aromatik që qetëson.
Kamomili ka veti që ndihmojnë në përmirësimin e cilësisë së gjumit dhe humorit, mbështesin shëndetin e kockave dhe lehtësojnë dhimbjet.
Ndihmon me pagjumësinë
Çaji i kamomilit është përdorur prej kohësh në trajtimin e pagjumësisë. Kjo për shkak se kamomili përmban apigeninë, e cila është një flavonoid. Flavonoidet janë kimikate që u japin bimëve ngjyrë dhe bollëk të antioksidantëve dhe ndihmojnë trupin të luftojë toksinat.
Ruan shëndetin e kockave
Çaji i kamomilit është i mirë për shëndetin e kockave, sepse flavonoidet në kamomil ndihmojnë kockat të riparohen dhe të rriten. Gjithashtu, kamomili mund të ndihmojë në rregullimin e aktiviteteve të shëndetshme të ndërtimit të kockave. Ky zbulim mund të jetë veçanërisht i rëndësishëm për gratë që janë të prirura ndaj osteoporozës në menopauzë, reduktim të estrogjenit dhe humbje kockore.
Lehtëson dhimbjet menstruale
Deri në 93 përqind e grave mund të përjetojnë dhimbje menstruale gjatë jetës së tyre dhe çaji i kamomilit mund të jetë një nga zgjidhjet për këtë problem. Pijet e ngrohta dhe qetësuese mund të lehtësojnë dhimbjen. Megjithatë, kamomili është më i mirë sepse, si nenexhiku dhe barishtet e tjera, kamë efekte anti-spazmatike. Struktura kimike e kamomilit përmban aminoacide që lehtësojnë relaksimin e mitrës.
Ndihmon me ankthin
Kamomili është i mirë për ankthin kryesisht për shkak të efekteve të tij në simptomat e gjendjes. Duke përmirësuar gjumin, duke relaksuar muskujt, duke ulur presionin e gjakut dhe duke mundësuar një gjendje relaksi, ju mund të reduktoni simptomat e ankthit si pagjumësia dhe nervozizmi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Jeffrey Donaldson jep dorëheqjen si lider i Partisë Unioniste Demokratike
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes