Kategoria Superiore U21 ka zhvilluar pesë takime për llogari të javës së 21-të. Plot 27 gola janë shënuar në pesë ndeshjet e kësaj jave. Më shumë kanë shënuar Turbina dhe Vllaznia, përkatësisht gjashtë dhe pesë gola.
Kastrioti humbi përballë Turbinës, në një sfidë ku u shënuan 10 gola. Rezultati i përgjithshëm i takimit ishte 4-6, për miqtë. Për vendasit shënuan Sabri Ndreu, Chimuchem Okebugwu dhe një dopietë nga Johan Çela.
Në krahun tjetër shënuan Francesko Hasaj, që realizoi tripletë, Mikel Brahilika dopietë dhe Alesio Latifi.
Akademia e Futbollit ka humbur përballë Kukësit me rezultatin 0-3. Për verilindorët ka shënuar Xh. Hajderaj, K. Rasha dhe S. Tabaku.
Teuta dhe Laçi janë ndalur në barazim 1-1. Jazxhi shënoi për vendasit, golit të të cilit iu përgjigj ai i Sulovarit.
Vllaznia ka mposhtur Tiranën, me rezultatin 5-2, duke u barazuar me pikë me dy vendet e para, Bylisin dhe Laçin me nga 45 pikë. Për shkodranët, shënuan Sekja, Ivziku, Shema dhe dopietë e Çobës. Për Tiranën, goli i parë, erdhi si pasojë e një autogoli nga Bradriç-i, ndërsa goli i dytë u realizua nga Aliaj.
Football Republic ka humbur përballë Apolonisë, me rezultatin e përgjithshëm 1-4. R.Kodra shënoi për vendasit. Në krahun tjetër shënuan M.Sota dopietë, M.Merkycyri dhe J.Bala.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
58% më shumë turistë në hotelet shqiptare gjatë shkurtit
-
Mickoski thirrje për “bashkim kombëtar maqedonas”: Të bashkohemi kundër Ali Ahmetit
-
Fuqia e Modi-t vazhdon të rritet dhe India duket e sigurt t’i japë atij më shumë
-
Kurti e paraqiti si alarm dhe rrezik të madh, por në stërvitjet ushtarake të Serbisë mysafir ishte edhe vetë komandanti i KFOR-it