![](https://albanianpost.com/wp-content/uploads/2021/03/kategoria-superiore-superliga-scaled-e1603819923268-2048x1095-1.jpg)
Kukësi ka arritur një fitore shumë të lehtë përballë Kastriotit, ashtu edhe siç pritej.
Skuadra veriore e nisi ndeshjen shumë mirë, duke mos e vënë fitoren në diskutim për as edhe një sekond gjatë takimit.
Mirëpo, përkundër dominimit, u desh të pritej deri në minutën e 40-të për të parë golin e parë.
Filip Gligorov ishte ai që shënoi golin e epërsisë për veriorët.
Kur u duk se pjesa e parë po mbyllej me rezultat 1-0, Gjelbrim Taipi e shënoi të dytin për Kukësin.
Edhe pjesa e parë ishte histori e njëjtë sikur ajo e para.
Edi Basa ishte ai që në minutën e 60-të shënoi për rezultatin 3-0 për Kukësin.
Deri në fund, Kukësi kontrolloi ndeshjen shumë mirë duke mos i lënë mundësi Kastriotit për të gjetur as golin e nderit.
Kur gjyqtari po bëhej gati për të vërshëllyer për përfundimin e ndeshjes, mesfushori nga Kosova, Kreshnik Bahtiri, shënoi për 4-0.
Kukësi ngjitet në vendin e tretë me 37 pikë, gjashtë më pak se Tirana në vendin e parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com