Katari paralajmëron se përshkallëzimi izraelit mund ‘të minojë ndërmjetësimin për lirimin e pengjeve’
Katari ka shërbyer si një ndërmjetës kyç midis Hamasit dhe Izraelit, veçanërisht në drejtim të lirimit të robërve.
Ministria e atjeshme e Punëve të Jashtme ka paralajmëruar se “zgjerimi i sulmeve izraelite në Rripin e Gazës për të përfshirë objekte civile, si spitalet, shkollat, qendrat e popullsisë dhe strehimoret për njerëzit e zhvendosur, është një përshkallëzim i rrezikshëm në rrjedhën e konfrontimeve”.
Diçka që “do të minonte ndërmjetësimin dhe përpjekjet për deeskalim”.
Po ashtu deklarata dënon bombardimin izraelit të kampit të refugjatëve Jabalia në Gaza, për të cilin ministria e Shëndetësisë e enklavës ka thënë se ka rezultuar në qindra të vdekur dhe plagosur.
Sipas deklaratës, një përshkallëzim izraelit “paraqit tension të mëtejshëm, dhunë dhe paqëndrueshmëri”.
Sakaq, i ka drejtuar thirrje komunitetit ndërkombëtar që “të mbajë përgjegjësitë e tij morale dhe ligjore” për të mbrojtur palestinezët dhe për të siguruar që Izraeli të respektojë ligjin ndërkombëtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist