Kapiteni kuqezi, Gjimshiti flet para duelit me Italinë: Skuadër e fortë, e dimë forcën e tyre

Kapiteni dhe mbrojtësi i Kombëtares së Shqipërisë, Berat Gjimshiti ka dalë në konferencën për shtyp para ndeshjes me Italinë, e cila do të zhvillohet të shtunën në mbrëmje.

Shqipëria do të debutojë në Euro 2024 përballë Italisë, me duelin e vendosur për t’u zhvilluar në “Signal Iduna Park” të Borussia Dortmund-it, duke filluar nga ora 21:00.

Gjimshiti, i cili luan në Itali me skuadrën e Atalanta-s, skuadër me të cilën fitoi Europa League-n pak javë më parë, u shpreh se ekipi kuqezi tashmë e di forcën e kundërshtarit.

Më tej, Berati vijoi duke thënë se një rezultat i mirë ndaj italianëve do u jepte shtysë më të madhe kuqezinjëve për të vijuar rrugëtimin në Euro 2024.

Vlera e ndeshjes? – Janë të treja ndeshje të rëndësishme. Kjo ndeshje mund të të japë besim nëse fillon me këmbën e mbarë. Besoj se mund të ndryshojnë gjërat në grupe.

Dueli me Scammaca-n? – E njoh mirë. Nuk kam folur me të, që prej herës së fundit që fituam.

Italia? – I kemi parë videot e fundit të tyre. Trajneri na ka treguar për forcën e tyre. Sigurisht që do jemi gati” – tha ai.

Sylvinho? – Trajneri na ka sjellë harmoni. Ai ka punuar shumë. Sylvinho mund të na motivojë shumë mirë, ai ka qenë lojtar i madh. Të gjithë e njihni. Në kualifikuese kemi kaluar nëpërmjet një grupi shumë të vështirë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.