Ka përfunduar sfida e parë e Abissnet Superiores për ditën e shtunë. Skënderbeu dhe Partizani nuk kanë shkuar më shumë se një barazim 1-1.
Në Korçë u luajt ndeshja e parë e Skënderbeut si ekip pritës për këtë sezon. Partizani e kishte ndeshjen e dytë radhazi që ishte skuadër udhëtuese, në po kaq ndeshje të këtij sezoni.
Pjesa e parë e takimit përfundoi në barazim pa gola. Në pjesën e dytë do të ishte skuadra e Ilir Dajës që do të shënonte e para.
Stenio Junior shënoi golin e parë të takimit në minutën e 56. Braziliani u tregua i saktë nga pika e bardhë e 11 metërshit.
Vetëm një minutë më vonë, Skënderbeu do të vendoste barazpeshën në ndeshje. Elvi Berisha ishte njeriu që vulosi shifrat përfundimtare të takimit në 1-1.
Pas dy ndeshjesh në Superiore për këtë sezon, të dy skuadrat kanë një pikë. Ndeshjen e parë e humbën, përkatësisht Skënderbeu ndaj Tiranës dhe Partizani ndaj Teutës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
As në takimin e pestë s’ka marrëveshje për dinarin – Lajçak del me një propozim të ri
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
