Skuadra e Juventus-it është futur në garë për transferimin e portierit të Empoli-t, Guglielmo Vicario.
Për transferimin e portierit 26-vjeçar, bardhezinjtë duhet ta mposhtin konkurrencën e Tottenham-it dhe Romës, që gjithashtu janë në garë për transferimin e tij.
Vicario po shkëlqen në këtë sezon me fanellën e Empol-it, ku ka qenë vendimtar në disa ndeshje me pritjet e tij.
Portieri 26-vjeçar italian iu bashkua skuadrës toskane si huazim vitin e kaluar dhe bëri përshtypje menjëherë me skuadrën e Empoli-t, mesatarisht 3.95 pritje për 90 minuta.
#Juve in tuffo su Vicario per anticipare Tottenham e Roma ed evitare l’asta #calciomercato https://t.co/fl2bB7WaQ2
— La Gazzetta dello Sport (@Gazzetta_it) November 16, 2022
Lëvizja e tij u bë e përhershme në verë dhe Vicario ka vazhduar të ecë mirë, duke qenë një nga portierët më të mirë në ligë.
Siç detajohet nga “La Gazzetta dello Sport”, Juventus po planifikon të bëjë një lëvizje për portierin e lindur në Udine në afatin kalimtar të janarit, me idenë aktuale që ta nënshkruajnë atë dhe ta lënë atë në Empoli në huazim deri në verë.
Drejtori sportiv i Bianconerëve, Federico Cherubini, është i prirur të mposhtë klubet e tjera të interesuara si Roma dhe Tottenham dhe kështu është gati të bëjë lëvizjen.
26-vjeçari Vicario ka bërë 15 paraqitje në Serie A këtë sezon, duke mbajtur pesë herë portën e paprekur dhe duke pranuar 19 gola në atë kohë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
