Junventus kompleton gjysmëfinalen e Kupës së Italisë, do të përballet me Inter-in

Juventus-i është skuadra e fundit që u kualifikua në gjysmëfinale të Kupës së Italisë, teksa mposhti Lazio-n me rezultat minimal 1:0.

Golin vendimtar për torinezët e realizoi mbrojtësi Gleison Bremer në minutën e 44-të së pjesës së parë.

Në vazhdim, bardhezinjtë arritën ta ruajnë mirë rezultatin dhe kështu të marrin një fitore të rëndësishme duke u kualifikuar në gjysmëfinale ku do të përballen me Inter-in.

Kujtojmë që gjysmëfinalet në Kupën e Italisë zhvillohen me dy ndeshje, vajtje-ardhje, prandaj do kemi dy super takime në këtë fazë.

Në anën tjetër, gjysmëfinalja tjetër në Kupën e Italisë do të jetë mes skuadrës surprizë, Cremonese dhe Fiorentina-s.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.