Pak ditë më parë, Jose Mourinho morri zyrtarisht detyrën si trajner i ri i Romës.
Trajneri portugez, një ndër më të suksesshmit në histori të futbollit, ka filluar një aventurë të re dhe të vështirë në kryeqytetin italian.
Synimi i tij është rikthimi i klubit roman në piedestal të futbollit italian.
Skuadra që ka në dispozicion, siç thotë Mourinho, është shumë e talentuar, dhe nevojë të madhe për përmirsim nuk ka.
Por, gjithsesi, klubi italian ka filluar të shikoj për përmirsime të vogla, me emra të mëdhenj.
Lëndimi i Leandro Spinazzola-s në EURO 2020, do ta mbajë italianin jashtë fushave për rreth gjashtë muaj, dhe 2021-ta ka përfunduar për të.
Në këtë mënyrë, Roma ka filluar të kërkojë për një futbollist që është i gatshëm të shërbej në afat të shkurtër.
Emri i parë në listën e tyre, është Marcelo, kapiteni i ri i Real Madrid-it.
Roma ka dërguar ofertë zyrtare për shërbimet e brazilianit.
Mbretërorët nuk e kanë Marcelo-n në listën e shitjes, por para fillimit të merkatos, ata kanë bërë të ditur se situata e tij është e njëjtë me atë të Isco-s.
Pra, nëse një ofertë e mirë arrin, klubi do të konsiderojë largimin e tyre.
Marcelo ka punuar me Mourinho-n më parë, dhe një bashkim mund të jetë i mundshëm tani.
Problemi qëndron te futbollisti, i cili duket shumë i lumtur me faktin që është kapiteni i parë i klubit, dhe dëshiron që vitet e fundit të karrierës t’i kaloj në Madrid.
A do të jetë Marcelo në lëvizje, apo do të mbetet në Madrid, do të zbulohet shumë shpejt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE