Japoni: Një gjykatë shpall antikushtetuese ndalimin e martesave të të njëjtit sex

Refuzimi qё i ndalonte çiftet e tё njёjtit seks pёr t’u martuar, u shpall antikushtetuese nga njё gjykatё rajonale nё Japoni.

Çështja kundër qeverisë u ngrit nga tre çifte, nё gjykatёn e rrethit Sapporo. Vendimi tregoi se ndalimi, shkelte nenin 14 të kushtetutës së vendit, i cili mbronte ndaj diskriminimit për shkak të racës, besimit, seksit, statusit shoqëror ose origjinës familjare.

Megjithatё, gjykata refuzoi kërkesat e paditësve për dëmshpërblim, duke i’u kthyer kёshtu dhe kostot e tyre.

Ёshte hera e parë që një gjykatë japoneze vendos për martesa të të njëjtit seks mbi baza kushtetuese.

“Vendimi historik pasqyron ndryshimin e shpejtë të qëndrimeve shoqërore ndaj homoseksualiteti”, raporton Financial Times

Megjithëse vendimi nuk krijoi menjëherë të drejtën që njerëzit homoseksualë të martoheshin, ai detyron autoritetet lokale në të gjithë Japoninë të lëshojnë çertifikata simbolike partneriteti.

Pesё çёshtje tё tjera janё duke u trajtuar nё gjykatat e Tokios, Osaka, Nagoya dhe Fukuoka, vendimet e tё cilave priten në muajt e ardhshëm. Por avokatët besojnё se të paktën nё një nga ato gjykime, mund tё tregohet se ligji aktual është kushtetues.

Nё rastin e çёshtjes nё Sapporo ndalimi i martesës së të njëjtit seks nuk shkel nenin 13 të kushtetutës, i cili garanton të drejtën për jetën, lirinë dhe ndjekjen e lumturisë. Gjithashtu nenin 24, i cili kërkon pëlqimin e ndërsjellë dhe trajtimin e barabartë të të dy partnerëve në një martesë.

Megjithatё, nё vendimin e shkruar nga gjykatësi kryesues, Tomoko Takebe thuhej se “dallimi midis njerëzve heteroseksualë dhe homoseksualë është thjesht një çështje e orientimit seksual, të cilin një person nuk mund ta ndryshojë, dhe cilado qoftë orientimi seksual i dikujt, nuk mund të ketë asnjë pabarazi në të drejtat e tij sipas ligjit”.

Aktivistët planifikojnë të drejtojnё kauzёn në politikën kombëtare

“Vendimi i gjykatës bën presion nё Kuvend për të filluar diskutime mbi ndryshimin e ligjit”, tha Masa Yanagisawa, një bankier i Goldman Sachs i cili qëndron në bordin e Martesës për të gjithë Japoninë, transmeton Financial Times.

Po ashtu, mbështetja publike për martesat e të njëjtit seks në Japoni është rritur me shpejtësi. Çka pasqyruar ndryshimet e fundit në Evropë dhe SHBA.

Një studim i fundit zbuloi se dy të tretat e publikut japonez janë në favor. Me përqindjen që rritet në katër të pestat në grupmoshat më të reja.

Gjithashtu, çertifikatat e partneritetit nuk janё diçka dhe aq e re për Japoninё. Nё distriktin Shibuya tё Tokios, lëshimi i tyre filloi gjashtë vite më parë. Tashmё ato do tё funksionojnё në rreth një të tretën e komunave në të gjithë Japoninë. Përfshirë disa zona rurale relativisht konservatore.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.