Borussia Dortmund tashmë edhe zyrtarisht ka konfirmuar largimin e sulmuesit të tyre, Jadon Sancho drejt klubit të Manchester United.
Lajmin për transferimin e sulmuesit anglez drejt “Djajve të kuq” e ka konfirmuar drejtori ekzekutiv i klubit të Dortmund-it, Hans Joachim Watzke, në një konferencë për media, i cili tha se shuma e transferimit, do të jetë 85 milionë euro.
“Kemi arritur një marrëveshje për transferimin e Jadon Sacho në dejtim të Manchester United. Ky transferim do të realizohet për shumën e 85 milionë eurove”, thuhet në konferencën për media.
🎙 Hans-Joachim #Watzke über Jadon #Sancho. pic.twitter.com/x1Lj5Gujmk
— Borussia Dortmund (@BVB) July 1, 2021
Drejtori ekzekutiv i Dortmund-it, më tutje theksoi, se nuk donin që Sancho të largohet nga klubi i tyre.
“Ishte dëshira e futbollistit për të ndryshuar ambient, ne donim ta mbanim atë. Nuk jemi të lumtur për paratë, por jemi të trishtuar që ai po largohet”, ka thënë Watzke.
Jadon Sancho u transferua nga Manchester City, te verdhezinjtë e Dortmund-it, në verën e vitit 2017 për shumën e rreth 8 milionë eurove.
Nga ky transferim do të përfitojë një shifër të konsiderueshme edhe klubi i Manchester City-t, pasi Sancho është akademi e klubit të tyre.
Sipas gazetarit të njohur, Fabrizio Romano, City do të fitojë rreth 13 milionë euro si pjesë e marrëveshjes, pasi ka ruajtur 15 për qind të kartonit të lojtarit.
Jadon Sancho… here we go. Manchester United and BVB have prepared official paperworks tonight – to be signed in the next few hours. 🔴 #MUFC #Sancho
Jadon contract agreed until June 2026 + option until June 2027.
Manchester City will receive around €13m as part of the deal.
— Fabrizio Romano (@FabrizioRomano) July 1, 2021
Kujtojmë që 21-vjeçari Sancho, ka shkëlqyer me fanellën e Dortmund-it, i cili që nga ardhja e tij në Gjermani, ka zhvilluar 137 takime me verdhezinjtë, duke realizuar 50 gola në të gjitha garat.
Derisa vlera e kartonit të sulmuesit anglez, sipas “trasnfermarkt” është 100 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Osmani s’e komenton fare regresin me 19-të vende të Kosovës në lirinë e medias, flet për lajmet e rreme
