Policia e Tiranës ka parandaluar një ngjarje të mundshme fatale, pasi një person ka kanosur me armë zjarri një shtetas tjetër 39-vjeçar.
Sipas njoftimit zyrtar nga Policia e Shtetit, në sallën operative ka mbërritur një njoftim se një shtetas, kishte kanosur personin M.D. me armë zjarri.
Strukturat janë vënë menjëherë në lëvizje dhe kanë vënë në pranga Sh.K., 36 vjeç, banues në Paskuqan. Kështu, duke parandaluar përshkallëzimin e mëtejshëm të konfliktit.
Në banesë, autorit i është gjetur një armë zjarri e tipit kallashnikov. Sakaq, mësohet se ai ka qenë i dënuar edhe më parë, për vjedhje me anë të mashtrimit.
Mbi ngjarjen në fjalë, ai pati dëmtuar automjetin e personit fillimisht, gjatë natës, e më pas gjatë orëve të ditës, e pati kanosur me kallashnikov.
Arma është sekuestruar ndërkohë dhe do të përdoret në cilësinë e provës materiale.
Materialet hetimore i kanë kaluar Prokurorisë së Tiranës për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
