Tregtarët e arit të JPMorgan mashtruan për vite me radhë duke “ndryshuar tregtinë” ose duke manipuluar çmimin e metaleve të çmuara.
Kjo, për të rritur fitimet e tyre.
Lajmi u bë i ditur nga tabloidi “New York Post”, duke cituar dëshminë e një ish-punonjësi.
“Detyra jonë ishte të bënim gjithçka që duhej për të fituar para”, deklaroi ish-tregtari John Edmonds gjatë gjyqit.
Ai akuzoi tre nga ish-kolegët e tij për “mashtrim sistematik”.
Ish-kreu global i zyrës së tregtimit të metaleve të çmuara të JPMorgan, Michael Nowak, tregtari i metaleve të çmuar, Gregg Smith dhe shitësi i fondeve mbrojtëse, Jeffrey Ruffo, janë akuzuar nga Departamenti i Drejtësisë.
Ndaj tyre, rëndojnë akuza për mashtrim dhe konspiracion.
Edmonds pretendoi se ai mësoi se si të “mashtronte” gjatë kohës së tij në JPMorgan, ku ai ekzekutoi deri në 400 nga “tregtitë mashtruese”.
Prokurorët pretendojnë se tavolina e metaleve të çmuara ka bërë deri në 50 mijë tregtime të falsifikuara gjatë turnit të Nowak-ut.
Të tre tregtarët u akuzuan për keqbërje në vitin 2019.
Në vitin 2020, JPMorgan pagoi 1 miliard dollarë gjobë për mashtrimin, por gjyqi do të zbulojë më shumë detaje të punës në tavolinë.
Nowak, Smith dhe Ruffo janë deklaruar të pafajshëm.
Mashtrimi i tregtimeve është një lloj manipulimi tregu ku një tregtar vendos një urdhër shumë të dukshëm për të ndikuar në çmimin e mallit.
Më pas, tregtari anulon porosinë dhe vendos një porosi të ndryshme në të cilën ai përfiton nga ndryshimi i mëparshëm i çmimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
