Një ndër klubet më të pasura në botë, Newcastle United, është duke punuar me nxitim për përforcimin e skuadrës për sezonin e ardhshëm.
Pasi i shpëtoi rënies nga liga në sezonin e kaluar, klubi anglez ka dalë në skenë dhe po projekton një skuadër konkurruese për kupat e Evropës.
“Qymyrxhinjtë” i kanë idetë e qarta për lojtarët që duan dhe tani ai i radhës është sulmuesi i Real Sociedad-it, Alexander Isak.
Sipas asaj që raportojnë mediat në Angli, Newcastle ka bërë një ofertë prej 40 milionë funte në drejtim të Sociedad-it për ta blerë sulmuesin suedez.
22-vjeçari është duke luajtur në La Liga që tre sezone dhe me Sociedad-in numëron 130 ndeshje në të gjitha garat, prej të cilave ka shënuar 43 gola.
Ish-sulmuesi i Dortmund-it është në bisedime me anglezët dhe 22-vjeçari është dakord me kushtet financiare të ofruara, ndërsa Newcastle tani pritet të gjejë gjuhën e përbashkët me drejtuesit e klubit spanjoll.
Nëse gjithçka mbyllet me sukses, Isak do të bëhet blerja më e shtrenjtë në historinë e Neëcastle dhe do të merrte statusin e një lideri në ekip.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
