Me ndeshjen mes Cagliari-t dhe Salernitana-s u hap java e 14-të në Serinë A italiane.
Java e kaluar tërësisht hapi luftën për titull, me Napoli-n dhe Milan-in që pësuan humbjet e para në ndeshje dramatike.
Sot, Inter kërkon të bëj edhe më shumë presion, me një fitore eventuale te Venezia.
Kurse, në anën tjetër luhet ndeshja e shndërruar në derbi kohëve të fundit, Juventus – Atalanta.
Të parët luajnë Juventus – Atalanta, me super duelin që fillon në orën 18:00.
Atalanta e vendit të katërt, e pamposhtur në pesë ndeshjet të fundit, kërkon që poashtu të afrohet me kreun me një fitore eventuale.
Bergamaskët kanë 25 pikë, dhe janë minus shtatë me kryesuesit e Milan-it dhe Napoli-t.
Sonte, ata udhëtojnë në “Allianz Stadium”, për t’u përballur me Juventus-in e vendit të tetë, që me një fitore eventuale mund të ngjitet përkohësisht në vendin e pestë.
Danilo, De Sciglio dhe Ramsey janë mungesat e Juventus-it në këtë ndeshje, derisa Hateboer dhe Lovato mungojnë në radhët e skuadrës të Gasperini-t.
Më vonë, Inter-i viziton Venezia-n.
Në mesjavë, skuadra zikaltër siguroi kualifikimin në fazën me eliminim në Champions pas tre viteve dështim.
Sonte, ata do të kërkojnë që përkohësisht të afrohen në vetëm një pikë me Napoli-n dhe Milan-in, nëse arrijnë tre pikë.
Venezia me një fitore në anën tjetër do ngjitej në mesin e dhjetë skuadrave të para, ekipi i sapongjitur në ligë po kalon një formë të mirë, me dy fitore dhe një barazim në tre ndeshjet e fundit.
Ndeshja fillon në orën 20:45, në stadiumin “Pierluigi Penzo”.
Më herët, luan edhe një nga skuadrat në pjesën e lartë të tabelës, Fiorentina.
Skuadra që i shkaktoi Milan-it humbjen e parë këtë sezon, e hap ditën me ndeshjen në fushën e Empoli-t të Nedim Bajramit, në orën 15:00.
Fiorentina do të kërkojë që të përfitoj nga dueli direkt Juventus – Atalanta, që të ngjitet disa pozita në tabelë.
Në të njëjtin orar, luhet edhe ndeshja Sampdoria – Verona, dhe kjo është e shtuna e javës së 14-të në Serie A.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kush flirton me korrupsionin nuk ka punë me ne, por me drejtësinë
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet