![](https://albanianpost.com/wp-content/uploads/2024/07/Valentin-Carboni-Monza-3-scaled.jpg)
Marseille e Roberto de Zerbi-t po afrohet në një marrëveshje me Inter-in për Valentin Carboni-n ndërsa bisedimet po hyjnë në fazën e tyre përfundimtare.
Sulmuesi 19-vjeçar argjentinas bëri përshtypje gjatë sezonit të tij në huazim me Monza-n, duke shënuar dy herë dhe duke dhënë katër asistime në 31 ndeshje të ligës.
Ai nënshkroi një kontratë të re me zikaltërit vitin e kaluar, duke e lidhur atë me klubin deri në qershor 2028.
Inter-i ka shpresa të mëdha për Carboni-n dhe beson në aftësinë e tij për t’u rritur në një yll, por është gjithashtu i vetëdijshëm se paratë tani do t’i lejojë ata të financojnë objektiva të tjerë transferimi, si një sulmues dhe mbrojtës i ri.
Klubi ka qenë mjaft i qetë deri më tani, duke marrë vetëm Josep Martinez, Piotr Zielinski dhe Mehdi Taremi.
“Footmercato” dhe Fabrizio Romano detajojnë se si Marseille është në fazën përfundimtare të bisedimeve me Inter-in për Carboni-n, duke ofruar një marrëveshje huazimi me një opsion blerjeje prej 36 milionë eurosh.
Zikaltërit do të kishin një opsion riblerjeje për të mbajtur kontrollin e 19-vjeçarit.
Ndërkohë që nuk ka ende një marrëveshje të plotë, të dyja palët janë në kontakt të vazhdueshëm dhe po punojnë për detajet e mbetura.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com