INSTAT: Eksportet rriten me 26,3 % në muajin tetor – bilanci tregtar në favor të importeve
Instituti i Statistikave ka publikuar raportin e tregtisë së jashtme të mallrave për muajin tetor 2021.
Raporti tregon një rritje të eksporteve për tetorin me 26,3 % krahasuar me një vit më parë.
Gjithashtu importet regjistruan rritje me 29,2 %, duke thelluar kështu defiçitin e bilancit tregtar me 31,6% në krahasim me një vit më parë dhe me 19,1 % në krahasim me muajin paraardhës.
Bilanci tregtar për Shqipërinë vijon të jetë ndjeshëm në favor të importeve.
Në dhjetëmujorin e parë, janë eksportuar mallra në vlerën 300 miliardë lekë dhe janë importuar mallra në vlerën 632 miliardë lekë.
Ndikim kryesor në rritjen e eksporteve e ka patur grupi i “Materiale ndërtimi dhe materiale”, me 14,3 pikë përqindje më shumë në një muaj.
Në anën tjetër kanë ndikuar negativisht grupet “Ushqime, pije, duhan” me -0,8 pikë përqindje dhe “Tekstile dhe këpucë” me -0,1 pikë përqindje.
Importet kanë regjistruar rritje me 29,2 % nga e njejta periudhë e një viti më parë.
Rritja është ndikuar nga grupet “Minerale, lëndë djegëse dhe energji elektrike” me 11,0 pikë përqindje më shumë dhe “Materiale ndërtimi dhe metale” me +8,1 pikë përqindje.
Vendet më të cilat Shqipëria ka patur rritje të aktivitetit tregtar në kahun e eksporteve, krahasuar me tetorin e 2020-ës, janë Italia (15,2 %), Kosova (22,7 %) dhe Spanja (103,5 %).
Më pak mallra shqiptare kanë shkuar drejt Italisë (10,0 %) dhe Mbretërisë së Bashkuar (45,6 %).
Në importe, ka patur rritje të importeve krahasuar me tetorin e 2020-ës nga Italia (19,2 %), Turqia (45,8 %) dhe Greqia (26,1 %).
Në krahun tjetër, janë reduktuar importet e mallrave që vijnë nga Gjermania (5,2 %), Zvicra (34,5 %) dhe Austria (16,2 %).
Partneri kryesor i Shqipërisë në marrdhëniet tregtare vijon të jetë BE-ja me 60,0 % të të gjithë vëllimit tregtar.
73,5 % e eksporteve shqiptare shkojnë drejt BE-së.
Në nivel shtetesh, Italia me 30,1 % dhe Turqia me 7,7 % janë partnerët tregtarë me peshën më të madhe për Shqipërinë në muajin tetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE