Instagrami anulon ndryshimet pas reagimit të përdoruesve

Instagram-i po anulon disa ndryshime në aplikacion pas një reagimi të ashpër të përdoruesve.

Masa vjen pasi aplikacioni u akuzua për imitim të TikTok-ut në kurriz të përdoruesve të tij më besnikë.

Vetë kompania ka bërë me dije se i tërheq disa nga ndryshimet, duke përfshirë një version testues të aplikacionit që u jepte një ekran të plotë postimeve.

Po ashtu pritet të zvogëlojë ndryshimet në algoritmin e tij që rezultuan në furnizimin e përdoruesve me video nga llogaritë që ata nuk i ndjekin.

Kreu i Instagram-it, Adam Mosseri, ka thënë se “duhet bërë një hap i madh prapa”.

“Kur mësojmë shumë, atëherë kthehemi me një lloj ideje ose përsëritjeje të re. Kështu që do të punojmë me këtë”, ka shtuar ai.

Njerëzit që e përdorin platformën për të bashkëvepruar me miqtë dhe familjen janë ankuar se burimet e tyre ishin përmbytur me video të padëshiruara.

Reagimet e bënë Mosseri-n të postonte një video në të cilën tregonte se “gjithnjë e më shumë Instagram-i do të bëhet me video me kalimin e kohës”.

Por pa anashkaluar faktin se Instagram-i kishte shkuar shumë larg.

Kështu, Mosseri ka treguar se aplikacioni do të zvogëlojë sasinë e postimeve të rekomanduara pasi përdoruesit u ankuan për përmbajtjen e shtyrë nga llogaritë që ata nuk i ndjekin.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.