Lajme

Industria turke goditet nga ndërprerjet e energjisë elektrike mes problemeve të furnizimit me gaz


Problemet me furnizimin e gazit në Turqi kanë detyruar mbylljen e prodhimit pasi kanë detyruar shtetin të imponojë shkurtime të energjisë elektrike në industri.

Në mesin e atyre që kanë njoftuar ndërprerje të prodhimit është edhe Tofas, prodhuesi turk i makinave, pjesërisht në pronësi të Fiat Chrysler.

E përditshmja “Financial Times” tregon se lëvizja ka ardhur pasi qeveria ka thënë se do të vendoste tre ditë ndërprerje të energjisë për përdoruesit e industrisë së rëndë këtë javë.

Të tjerë në listë përfshijnë sipërmarrjen e përbashkët të Renault, e cila ka deklaruar se do të ndalonte prodhimin në fabrikën e saj në Bursa, në perëndim të vendit, për 15 ditë.

Këto ndërprerje që rrezikojnë inflacionin në rritje të vendit dhe objektivat e eksportit të presidentit  Recep Tayyip Erdoğan vijnë pas një njoftimi nga Irani.

Ky i fundit, i cili siguron rreth 10 për qind të gazit natyror të Turqisë, ka deklaruar javën e kaluar se do të pezullonte përkohësisht eksportet e gazit për fqinjin e tij për shkak të problemeve teknike.

Rënia e furnizimit, e kombinuar me kërkesën e lartë për energji pasi moti i ftohtë dhe bora kanë përfshirë vendin, ka vënë presion të madh në rrjetin e energjisë në një vend ku më shumë se gjysma e energjisë elektrike prodhohet në termocentrale me gaz.

“Është një mungesë e jashtëzakonshme për Turqinë”, ka thënë Emre Erturk, themeluesi i konsulencës Energy IQ me bazë në Stamboll.

Për të, “ky lloj plani i reduktimit në mbarë vendin nuk është miratuar kurrë për kaq gjatë”.

Te prodhuesit turq, vendimi është pritur me shqetësim.

Ata janë ankuar se u ishte dhënë pak njoftim se u detyruan të ndalonin prodhimin këtë javë, me ndërprerjet e energjisë që prekin provinca të ndryshme në ditë të ndryshme.

Analistët, nga ana tjetër, kanë thënë se masa rrezikonte të godiste sektorët kryesorë të prodhimit, duke përfshirë automobilat, çelikun dhe tekstilet.

Sipas “Financial Times”, mungesa e energjisë mund të kërcënojë përpjekjet e Erdoğan-it për të vendosur eksportet në qendër të asaj që ai e ka quajtur modelin e tij të ri ekonomik.

Ai shpreson se lulëzimi i shitjeve jashtë shtetit do të jetë avantazhi i një rrëshqitjeje të mprehtë të lirës turke, e cila humbi rreth 45 për qind të vlerës së saj kundrejt dollarit vitin e kaluar.

“Kjo do të ketë pasoja në drejtim të rritjes së eksporteve”, ka thënë Ozlem Derici Sengul, themeluesi i Spinn Consultancy me qendër në Stamboll.

Për të, “nëse nuk qëndron si një goditje e njëhershme, mund të na duhet të rishikojmë vlerësimet tona të përgjithshme të rritjes poshtë”.

Sengul ka shtuar gjithashtu se një mbyllje e zgjatur mund të nxisë inflacionin, i cili ishte tashmë në nivelin më të lartë 20-vjeçar prej 36 për qind në janar.

/Albanianpost.com


Lajmet kryesore