Ilaçi i ri i AstraZeneca-s ul rrezikshmërinë e COVID-19 me 50%

Një ilaç i ri, prodhuar nga kompania farmaceutike AstraZeneca, ul rrezikun e sëmundjeve të rënda ose vdekjes te pacientët në masën 50%.

Lajmin e bёri tё ditur kompania tё hёnёn e 11 tetorit, pasi kishte njoftuar mё herёt efektet e rëndësishme tё vaksinës AstraZeneca në parandalimin e çdo simptome të coronavirus-it.

Në një dozë prej 600 miligramësh e AZD7442, provat treguan se rrezikshmëria e zhvillimit të COVID-19 të rëndë, ose vdekjes u rrit me 50%.

Lajmi ka rritur ndërkohë shpresat se ilaçe më të sigurta dhe efektive, që synojnë të luftojnë coronavirus-in, do të dalin sё shpejti në treg.

Merck i Shteteve të Bashkuara, dikur pretendent potencial për licencimin e vaksinës që bleu AstraZeneca nga Oksfordi, në fillim të këtij muaji, tha se trajtimi me pilulën molnupiravir përgjysmoi gjithashtu rrezikun e sëmundjeve të rënda, ose vdekjes nga COVID-19.

Rreth 900 pacientë morën pjesë në test, në të cilën gjysma u trajtua me ilaçin, ndërsa pjesa tjetër, gjysma morën një placebo.

AstraZeneca javën e kaluar tha se kishte paraqitur një kërkesë për miratim nga Administrata Amerikane e Ushqimit dhe Barnave për një autorizim të përdorimit urgjent të ilaçit.

Të hënën, kompania bëri me dije se do t’i diskutonte të dhënat e reja me autoritetet shëndetësore.

Si funksionon ilaçi anti-COVID?

Klasa e ilaçeve anti-COVID është e ndryshme nga vaksinat, të cilat nxisin prodhimin e antitrupave ndaj pjesëve të caktuara të virusit.

Ilaçi është një kombinim i dy antitrupave me veprim të gjatë, që rrjedhin nga qelizat B, ose qelizat e sistemit imunitar të pacientëve që janë shëruar nga COVID dhe adminitrohet në formën e një injeksioni intramuskular.

Ai u zbulua nga Universiteti Vanderbilt në SHBA dhe u licencua për kompaninë në qershor tё vitit 2020.

Qeveria amerikane po kontribuon në zhvillimin e tij, pasi ka firmosur gjithashtu një marrëveshje për 700 mijё doza të tij, të cilat kushtojnë rreth 726 milion dollarë.

Miratimi i autorizimit të përdorimit të urgjencës në SHBA mund të jetë një hap i madh pozitiv për kompaninë, pasi vaksina e saj e sigurt dhe efektive e coronavirusit, e zhvilluar me Universitetin e Oxford-it, nuk ka hasur ende në ndonjë problem rregullator.

Koktejlet e antitrupave kanë treguar se zvogëlojnë rrezikun e sëmundjeve të rënda ose vdekjes tek pacientët me COVID.

“I vetmi disavantazh i tyre”, sipas krijuesve të tyre, “qëndron tek kushtueshmëria e tyre e lartë, teksa janë më komplekse për t’u administruar sesa llojet e tjera të ilaçeve”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.