Studiuesit në shtetin e Australisë kanë kryer një studim, dhe rishikim sa i përket ilaçeve që ndihmojnë në humbjen e peshës, shkruan agjensia angleze “BBC”. Ata kanë rënë në përfundimin se ato kanë efekte negative në shëndetin e njerëzve.
Pas 16 vitesh përdorim, studiuesit sugjerojnë se ilaçet për humbjen e peshës nuk janë të këshillueshme. Ata bëjnë thirrje për më shumë hulumtim në sigurinë e tyre afatgjatë.
Shitja e pilulave dietike, pluhurave dhe lëngjeve që përmbajnë produkte bimore ose shtazore është rritur në popullaritet, vitet e fundit sipas tyre.
“Unë kurrë nuk do të kthehem në palestër përsëri”, thotë një qytetare australiane pasi përdori ilaçet.
Por sipas studiuesëve, vetëm 20% e produkteve të reja auditohen çdo vit për t’u siguruar që ato ofrojnë prova që mbështesin pretendimet e tyre.
Në disa vende, kërkesa e vetme është që suplementet të përmbajnë nivele të pranueshme të produkteve jo- medicinale.
“Ndryshe nga ilaçet farmaceutike, provat klinike për sigurinë dhe efektivitetin e tyre nuk kërkohen para se ato të dalin në treg”, shpjegon autorja kryesore e studimit Erica Bessell, nga Universiteti i Sidneit.
“Vlerësimi ynë rigoroz i provave që kemi në dispozicion tregon se nuk kemi prova mjaftueshme, se këto ilaçe na ndihmojnë të humbasim peshë”, thotë ajo.
Edhe pse shumica e suplementeve duken të sigurta për konsum afatshkurtër, ato nuk do të sigurojnë humbje peshe që ka kuptim klinikisht.
Studiuesit australianë kryen një rishikim sistematik të -të gjitha provave të rastësishme duke krahasuar efektin e suplementeve bimore me placebo (ose trajtimin bedel) në humbjen e peshës, deri në gusht 2018-ës.
Të dhënat u analizuan nga 54 studime që treguan se humbja e peshës, prej të paktën 2.5 kg (5.5 bs) u konsiderua domethënëse klinikisht.
Ilaçet bimore të përfshira në analizë ishin çaji jeshil, garcinia cambogia, mangosteen, fasule e bardhë , ephedra, mango afrikane, mate yerba, rrush veld, rrënjë jamball.
Analiza zbuloi se vetëm një prej tyre ‘fasulja e bardhë ’, rezultoi që ndihmonte në humbjen e peshës statistikisht, por jo klinikisht.
“Rritja e jashtëzakonshme në industri dhe popullariteti i këtyre produkteve nënvizon urgjencën për kryerjen e studimeve më të mëdha, më rigoroze për të pasur një siguri të arsyeshme dhe efektivitet të tyre për humbjen e peshës,” shtoi ajo.
Përshtatur nga “BBC” për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët