Instituti Kombëtar i Shëndetit Publik ka bërë thirrje për bartjen e maskës në ambiente të mbyllura, pasi të njëjtit konsiderojnë se pandemia ende nuk ka mbaruar.
Nga IKSHPK-ja është thënë se fillim viti ka shënuar rritje të rasteve të reja me COVID-19, por që “fatmirësisht nuk kanë regjistruar asnjë rast fatal”.
“Në vende të ndryshme të botës, po regjistrohen raste të shumta të COVID-19, sepse pandemia akoma nuk ka mbaruar. Fillim viti ka shënuar rritje të rasteve të reja me COVID, por fatmirësisht nuk kemi te regjistruar asnjë rast fatal”, është thënë nga IKSHPK-ja.
Në komunikatë për media është theksuar se testimi në IKSHPK është duke vazhduar.
“IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështirësi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”.
“Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që të vaksinohen”.
Një rekomandim i njëjtë si i IKSHPK-së është bërë edhe nga Ministria e Shëndetësisë.
“MSh dhe IKSHPK rekomandojnë qytetarët që rritja e rasteve me COVID-19 kërkon edhe masa parandaluese andaj duhet të të jenë të kujdesshëm në zbatimin e masave preventive kundër sëmundjeve ngjitëse duke zbatuar vendimet e Qeverisë, duke bartur maska në të gjitha ambientet e mbyllura, distancë, higjienë, dezinfektues për duar në të gjitha institucionet publike e private dhe të vaksinohen kundër COVID-19”.
Kosova, gjatë javëve të fundit kishte shënuar raste më të larta pozitive me COVID-19, shifrat e të infektuarve shkonin deri në 15.
Ndryshe, më 31 tetor, në Kosovë kishte nisur vaksinimi kundër gripit sezonal.
Ministria e Shëndetësisë, u kishte bërë thirrje qytetarëve sidomos personave më të moshuar dhe personave me sëmundje kronike që të vaksinohen për t’u mbrojtur nga gripi sezonal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Intervistë e Albanian Post me Ziadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickoski-t
-
Amnistia Penale, PD kërkesë për interpelancë urgjente me ministrin e Drejtësisë
-
Pse Izraeli dhe aleatët e tij i frikësohen ICC-së?
-
8 orët e ankthit të Erion Veliajt në SPAK