“Ike” nga Don Xhoni, prezanton pranë jush edhe të dashurën ruse të rep artistit

Rep artisti i njohur kosovar, Don Xhon ka publikuar video projektin e tij më të ri muzikor, të paralajmëruar ditë më parë, e që titullohet –“Ike”.

“Ike” është produkt i Rzon, derisa për tekstin e këngës është përkujdesur vet artisti i shumë hiteve të lansuara që prej kur ka filluar karrierën.

Si përherë, edhe kësaj radhe Don Xhoni kujdes të veçantë duket t’i kushtuar edhe video klipit, derisa pjesë e skenave ishte edhe e dashura e tij ruse, modelja Ariana Lirey.

Tek “Ike”, dyshja paraqiten si një çift, ashtu siç duket se janë edhe në jetën reale, dhe jo vetëm. Ani pse nuk e kanë konfirmuar ribashkimin, dyshja duken të jenë dashuruar goxha shumë, pasi që Lirey në mesin e shumë tatuazheve të saj, tanimë e ka edhe një tjetër dedikuar pikërisht Don Xhonit.

“Mrs. Isufi (Zonja Isufi)”, është tatuazhi i ri i modeles në një pjesë të dorës së saj, e që i referohet mbiemrit të artistit – Xhonatan Isufi. Më parë Ariana kishte vizatuar portretin e artistit duke e ndarë atë me ndjekësit në media sociale.

“Në vend të mijëra fjalëve boshe”, kishte mbishkruar ajo teksa pati postuar fotografinë e tatuazhit në një storie në llogarinë e saj të Instagrami-it, ku numëron jo më pak se 200 mijë ndjekës.

Gjithsesi, ndarja e tyre gjatë vitit që lamë pas bëri bujë të madhe në mediat rozë, derisa si modelja, ashtu edhe rep artisti, hodhën akuza nga më të ndryshmet drejt njëri-tjetrit.

Ky është projekti i dytë i Don Xhon për këtë vit, ndërsa ai paraprak mbetet “Rruga”, që u mirëprit nga publiku dhe aktualisht numëron mbi 4 milionë klikime në platformën YouTube.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.