Futboll

IFFHS: Jose Mourinho në vendin e parë, Guardiola jashtë podiumit


Tottenham-i i Jose Mourinho-s sigurisht ka përjetuar momente më të mira, në fakt ata kanë humbur pesë nga gjashtë ndeshjet e tyre të fundit në Premier Ligë, duke zbritur në vendin e nëntë në renditje, nëntë pikë nga vendi i katërt, zona e Ligës së Kampionëve. Pas ndeshjes së fundit kundër West Ham që luajti të Dielën dhe humbi 2-1, ‘The special one’ tha se ishte i qetë, sepse nuk ishte i dyti i askujt. Në fakt,  disa orë pas deklaratës së Mourinhos, vjen verdikti i IFFHS: trajneri aktual i Spurs është më i miri i shekullit.

Federata Ndërkombëtare e Historisë dhe Statistikave të Futbollit (International Federation of Football History & Statistics/IFFHS) e ka emëruar trajnerin portugez Jose Mourinho si më të mirin nga të gjithë. “The special one” (nofka e Mourinho-s; I veçanti në shqip) u emërua trajneri më i mirë në botë i shekullit 21. Organizata cakton çdo vit menaxherin më të mirë të klubit në botë dhe menaxherin më të mirë të ekipit kombëtar. Nga kombinimi i këtyre statistikave vjetore del se ish-trajneri i trefishtë me Interin është më i miri nga të gjithë. Portugezi parapriu: Low, Ferguson, Pep Guaridola dhe Wenger.

Albanianpost.com


Lajmet kryesore