Forcat e Mbrojtjes të Izraelit (IDF) kanë shkatërruar një shtëpi në pronësi të zyrtarit të Hamasit, Saleh al-Arouri, në qytetin ‘Arura, afër Ramallah-ut.
Kështu bëjnë të ditur mediat izraelite “Haaretz” dhe “The Times of Israel”.
Pamjet e postuara në mediat sociale tregojnë shpërthimin e kontrolluar të kryer nga IDF-ja.
Më 27 tetor, kreu i Komandës Qendrore të IDF-së, gjeneralmajor Yehuda Fox nënshkroi urdhrin e prishjes.
Me bazë në Liban, al-Arouri konsiderohet lideri de facto i Hamas-it në Bregun Perëndimor.
Al-Arouri konsiderohet si një nga organizatorët kryesorë të sulmit të 7 tetorit.
Shtëpia e udhëheqësit të lartë të Hamasit që u shkatërrua ishte bosh për një kohë të gjatë.
Saleh al-Arouri është në mërgim, me raporte që sugjerojnë se ai mund të jetë në Liban.
Forcat izraelite morën shtëpinë rreth 10 ditë më parë. Mbrëmë e hodhën në erë.
Kjo është më shumë një lëvizje simbolike e izraelitëve se çdo gjë tjetër. Ata janë pas al-Arouri’t. Ai ka qenë në listën e tyre më të kërkuar për një kohë të gjatë.
Amerikanët ofruan një shpërblim prej 5 milionë dollarësh për informacion mbi vendndodhjen e tij në vitin 2018, por ai kurrë nuk është kapur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
