Prokurori i Gjykatës Penale Ndërkombëtare (ICC), Karim Khan, në një deklaratë zyrtare ka bërë me dije se ka kërkuar miratimin për të filluar hetimet në Afganistan.
Sipas tij, hetimi do të fokusohet te veprimet e talebanëve dhe Shtetit Islamik në provincën e Khorasn-it (IS-K).
Për momentin, hetimi për krimet e supozuara të forcave amerikane do të mbetet në pritje.
Kërkesa u është drejtuar gjyqtarëve të Gjykatës.
Khan, i cili e mori drejtimin në qershor, tha se situata në Afganistan pas marrjes nën kontroll të talebanëve, “nuk të jep shumë mundësi që gjërat të hetohen siç duhet”.
Një avokat për viktimat e dyshuara të torturës amerikane në Afganistan ishte “i habitur”, pasi Khan njoftoi se do të “privonte” hetimin ndaj forcave amerikane.
ICC-ja, për 15 vite, hetoi krimet e dyshuara të luftës në Afganistan para se të fillonte një hetim të plotë vitin e kaluar.
Hetimi i ICC-së – me seli në Hagë – ishte pezulluar në vitin 2020, pasi nga qeveria e dikurshme në Kabul thanë se “do të përpiqen t’i hetojnë vetë akuzat për krime lufte”.
E themeluar në vitin 2002 për të trajtuar krimet më të rënda në botë, Gjykata ka autoritetin të ndërhyjë aty ku qeveritë kombëtare nuk janë në gjendje ose nuk duan të sjellin njerëz para drejtësisë për krime lufte.
“Unë kam vendosur që t’i përqendroj hetimet te krimet e supozuara të kryera nga talebanët dhe IS-K”, tha Khan.
Përqendrimi te talebanët, IS-K
Prokurori i ICC përmendi në mënyrë specifike sulmin vdekjeprurës të 26 gushtit, në aeroportin e Kabulit, të pretenduar nga IS-K, që çoi në më shumë se 100 civilë afganë dhe 13 anëtarë të shërbimit amerikan të vdekur.
Sipas Gjykatës ka një bazë të arsyeshme për të besuar se krimet e luftës ishin kryer midis viteve 2003 dhe 2014, mes të cilëve dyshohet për vrasje masive të civilëve nga talebanët, si dhe tortura të dyshuara të të burgosurve nga autoritetet afgane dhe, në një masë më të vogël, nga forcat amerikane dhe CIA.
Por Shtetet e Bashkuara të Amerikës nuk janë palë në ICC, dhe vendosën sanksione kundër zyrës së prokurorit për hetimin e rolit të forcave amerikane.
Zhvendosja e fokusit të hetimit mund të ndihmojë në përmirësimin e marrëdhënieve të gjykatës me Washington-in.
/Albanianpost.comLajmet kryesore
-
EXIT POLL i Albanian Post: Ka balotazh në Prishtinë, Përparim Rama i dyti
-
EXIT POLL i Albanian Post: Agim Aliu bindshëm i pari – Ferizaj s’ka nevojë për raund të dytë
-
EXIT POLL i Albanian Post: Gjilani shkon në balotazh, Lutfi Haziri i dyti
-
EXIT POLL i Albanian Post: Përmbysje në Mitrovicë, Bedi Hamza 57.9%
