Lajme

Hyseni, Abdixhikut: Po shpërfaq një ego infantile


Skender Hyseni, Bajram Begaj dhe Lumir Abdixhiku

Kryetari i Lidhjes Demokratike të Kosovës, Lumir Abdixhiku, ka refuzuar takimin me Presidentin e Shqipërisë, Bajram Begaj, këtë të martë, kjo pasi Abdixhiku nuk është pajtuar me vend takimin.

E sipas Skender Hysenit, ish-zyrtarit të LDK-së, refuzimi i Abdixhikut për ta takuar Begajn, i cili po viziton Kosovën për të parën herë si president i vendit, është “skandal infantil”.

“Pretendimi idhnak i Abdixhikut se Presidenti shqiptar duhej të shkonte në selinë e LDK-së për takim, shpërfaq një ego infantile politike të të parit të LDK-së”, ka shkruar Hyseni në rrjetin e tij social në Facebook.

Abdixhiku, sipas Hysenit me krekosjen e tij, ka shkaktuar një skandal politik e diplomatik tërësisht të panevojshëm në komunikimet aq të rëndësishme ndër shqiptare.

“Kuvendi i Republikës së Kosovës është seli, e përtej selie të çdo partie politike parlamentare në Kosovë”.

Bajram Begaj dhe Vjosa Osmani

Ndryshe Begaj, në ditën e dytë të qëndrimit të tij në Kosovë, është takuar me krerët e Partisë Demokratike të Kosovës dhe Aleancës për Ardhmërinë e Kosovës.

Ndryshe Presidenti Begaj, në ditën e parë të vizitës në Kosovë, ishte pritur me nderime më të larta shtetërore nga homologu i tij, Vjosa Osmani.

Në një konferencë për media me Osmanin, Begaj kishte nënvizuar faktin se ai mbështet plotësisht të drejtën legjitime të Kosovës për shtrirjen e autoritetit dhe vendosjen e sundimit të ligjit në Veri të vendit, në bashkëpunim me SHBA-të dhe BE-në.

“Dy republika dhe një komb, harta jonë me destinacion Brukselin”

/Albanianpost.com


Lajmet kryesore