“Humbja është pjesë e garës, por është ndryshe të humbësh besimin te garimi”, Mercedes tërheq protestën kundër FIA-s

Përfundimi i sezonit të Formula 1, ishte një ndër më të çmendurit në histori të sportit.

Pasi makina e sigurisë u implementua në xhiron e 53-të, ajo lëshoi pistën në xhiron e 57-të, duke iu lënë pilotëve për titull një garë të plotë për të vendosur gjithçka.

Me goma të reja, Max Verstappen me një lëvizje maestrale parakaloi Hamilton-in, duke fituar titullin e parë kampion në një mënyrë që do të mbahet gjithmonë në mend.

Mirëpo, Mercedes-it nuk i pëlqej fare mënyra se si FIA veproj në minutat e fundit të Makinës së Sigurisë, duke thënë që ata ndryshuan rregullat.

Fillimisht, drejtuesi i garës, Michael Masi vendosi që makinat e parakaluara për një xhiro të mos dalin përpara – e më pas vendosi që rruga të lëshohet vetëm për Hamilton – Verstappen që të jenë ngjitur me njëri tjetrin, pasi të dy pilotët ishin në luftë për titull.

Ankesave të shumta të Toto Wolff, pas garës Michael Masi iu përgjigj duke thënë “Toto, kjo quhet garë e makinave”.

Pas garës, Mercedes protestoi por FIA i quajti të pavlefshme akuzat e tyre.

U besua se Mercedes do të drejtohet në Gjykatën e Arbitrezhit Sportiv, por gjatë mëngjesit të sotëm u konfirmua se kjo gjë nuk do të ndodhë.

“U larguam nga Abu Dhabi të shokuar nga ajo që përjetuam”, filloi njoftimin e saj Mercedes.

“Sigurisht, humbja është pjesë e garës, mirëpo është ndryshe kur humb besimin në garim”, shkruajnë ata.

“Do ta mbajnë FIA-n përgjegjëse për këtë proces dhe andaj e tërheqim protestën tonë”, vazhdojnë  ata.

Nga Mercedes, kanë edhe një mesazh edhe për Red Bull-in dhe kampionin më të ri, Max Verstappen.

“Për Max Verstappen dhe për Red Bull: dëshirojmë t’iu shprehim respektin më të madh për arritjet e juaja këtë sezon”.

“Ju e bëtë këtë luftë për titullin me të vërtetë epike”.

“Max, të urrojmë ty dhe gjithë skuadrën tënde për këtë sukses – mezi presim të vazhdojmë luftën në pistë edhe sezonin tjetër”.

Formula 1 fillon më 20 mars, 2022, me garën e Bahrain që për herën e dytë radhazi do të nisë sezonin e sportit më të shpejtë në botë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.