Si rezultat i humbjes së titullit nga Lewis Hamilton në garën e Abu Dhabi-t, një shumë parash e ka humbur edhe finlandezi Valtteri Bottas, që në lindjen e mesme e kishte garën e fundit me klubin.
Bonuset, në fakt, janë në pjesë shumë normale e sportit, sidomos në Formula 1.
Dhe te Mercedes, nëse Hamilton do shpallej kampion, bonus të mirë do të merrte edhe Valtteri Bottas.
Deri në xhiron e fundit u duk se nga garazhi i Mercedes, Valtteri Bottas do të fitonte edhe disa para për fund.
Por, makina e sigurisë në pistë, i dha mundësi Max Verstappen-it që të luante strategjinë dhe të rrëmbente titullin në xhiron e fundit.
Me fitoren e Verstappen, humbën shpresat e Hamilton për titullin rekord por gjithashtu edhe bonusi i Valtteri Bottas.
“Po është e vërtetë”, u shpreh Bottas.
“Bonuse të caktuara vijnë së bashku me arritje të caktuara”, vazhdoi ai.
Mirëpo, ai tha se nuk ndjehet i mërzitur për këtë gjë.
“Nuk e llogarisë sportin në atë mënyrë, ka ardhur një moment në jetë që nuk duhet të shikohet aq shpesh balanca bankare”.
“Parat janë të rëndësishme pa dyshim, por unë e mbajë mend se nga ku kam ardhur dhe jam shumë i lumtur më çfarë kam tani”, mbylli ai.
2021 ishte sezoni i fundit i Bottas në radhët e Mercedes.
Nga viti i ardhshëm ai do të jetë pilot i Alfa Romeo-s, krah të riut kinez, Guanyu Zhou.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
