Prokuroria konfirmon për Albanian Post ikjen e Radojiçiç nga policia – është i përfshirë në rastin “Brezovica”
Millan Radojiçiç ka arritur t’i arratiset Policisë së Kosovës në pikën kufitare në Bërnjak, pasi ishte vendosur në listën e të kërkuarve para pak ditësh për rastin “Brezovica”, ka thënë për Albanian Post Prokuroi i Prokurorisë së Ferizajt, Rasim Maloku.
Radojiçiç ishte duke u futur në Kosovë nga Serbia kur u ndalua nga organet e rendit dhe në momentin kur polici kufitar ka kontrolluar dokumentet e tij ka rezultuar se ai është person në kërkim.
Në atë moment, ai ka vozitur makinën e tij mbrapa dhe është arratisur për në Serbi.
“Po ka lidhje drejtpërdrejt me rastin Brezovica”, ka konfirmuar Maloku për AP, duke shpjeguar mëtej rastin.
“Po, në polici kur i ka dorëzuar dokumentet, në atë moment kur kanë tentuar ta arrestojnë i ka ikur policisë”, tha Maloku.
Ai shtoi se “e kam autorizuar inspektoratin që t’i marrë pamjet kamerave ta shikojmë a kanë funksionuar, për veprimet e tjera e shikojmë të premten”.
Maloku theksoi se do të verifikohet nëse qe neglizhencë e zyrtarëve policorë largimi nga Kosova i Radojeçiç-it.
Por, avokati i Radoiçiç-it, Zhivojin Jokanoviç, ka theksuar se s’ka informacion nëse është arrestuar klienti i tij.
“Jo nuk di kurrgjë, para 20 dite kam folur me të”, tha shkurt Jokanoviç për AP.
Me gjashtë janar, policia e Kosovës ka vazhduar operacionin “Brezovica”, i cili lidhet me ndërtimet paleje në Brezovicë.
Në kuadër të këtij aksioni është bastisur edhe Ministrja e Mjedisit dhe Planifikimit Hapësinor në Prishtinë.
Maloku gjatë një konference për media pati thënë se rreth 6 milionë euro janë ngrirë dhe janë konfiskuar edhe prova materiale, vetura e armë.
Pse ishte tërhequr urdhërarresti për arrestimin e Radojeçiç?
Në muajin mars të vitit të kaluar, Prokuroria Speciale e Kosovës i kishte bërë kërkesë Gjykatës Themelore në Prishtinë për tërheqjen e urdhër-arrestit ndaj Milan Radoiçiçit, i cili dyshohej për veprën penale “Pjesëmarrja ose organizimi i grupit kriminal të organizuar” për vrasjen e politikanit serb Oliver Ivanoviç dhe Themelorja ia ka aprovuar.
Në aktvendim të Gjykatës, thuhej se “pas shqyrtimit dhe analizimit të kërkesës së Prokurorisë Speciale për tërheqjen e urdhër-arrestit ndaj të dyshuarit, konstatohet se kërkesa është e arsyetuar mirë”.
“Nuk ka mundur që i dyshuari të sillet para organeve të drejtësisë, respektivisht në Prokurorinë Speciale, për shkaqe teknike dhe taktike të hetimit më të mirë të veprave penale e që dyshohet se i njëjti është i përfshirë në kryerjen e tyre”, thuhet në aktvendimin e Gjykatë Themelore në Prishtinë.
Ndërkaq më 23 nëntor të vitit të 2018, Policia e Kosovës zhvilloi një operacion të kërkimit në veri të vendit me qëllim të arrestimit të Milan Radoiçiç i cili nuk u gjet në vendqëndrimin e tij ndërsa gjatë këtij operacioni u arrestuan katër persona.
Më tetë dhjetor, Shtetet e Bashkuara të Amerikës, kanë vënë sanksione edhe ndaj disa serbëve të Kosovës.
Serbi nga Kosova, Zvonko Veselinoviç bashkë me të vëllain e 10 persona të tjerë kanë hyrë në listën e zezë të Shteteve të Bashkuara të Amerikës, pasi që janë të dyshuar për kryerjen e disa veprave që bien ndesh me ligjin e që kanë të bëjnë me krimin e organizuar e korrupsionin.
Emri i tij është përmendur shpesh kur bëhej fjalë për “të fortit” e pjesës Veriore të Mitrovicës, por së fundi Departamenti Amerikan i Shteteve të Bashkuara doli me një njoftim se këtyre personave u ka ndaluar hyrjen në SHBA.
Përveç Zvonko Veselinoviç, DASH ka njoftuar se ndalesa për të hyrë në SHBA u është vënë edhe Zharko Veselinoviç, të vëllait, pastaj Zhelko Bojiç, Milan Mihajloviç, Sinisha Nedeljkoviç, Radovan Radiç, Milan Radisavleviç, Milojko Radisavleviç, Milan Radojçiç, Marko Rosiç, Radule Steviç, Milivoje Vuloviç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku