Policia e Kosovës të mërkurën ka vazhduar aksionin e nisur muaj më parë të njohur si “Subvencioni 2021”, nën dyshime për keqpërdorime në subvencione në bujqësi dhe janë arrestuar shtatë persona.
Këtë e kanë konfirmuar për Albanian Post, zyra për media e Policisë së Kosovës.
“Policia e Kosovës, me autorizim të organeve kompetente ka filluar një operacion të gjerë policorë, i cili është duke u realizuar në disa lokacione të komunave të ndryshme. Ky operacion policorë është vazhdimësi e operacionit të mëhershëm subvencionet. Pas përfundimit të operacionit policorë do të bëhen të ditura detaje shtesë”, thuhet në njoftimin e policisë.
Ndërkaq Prokuroria Themelore në Prishtinë kanë njoftuar se aksioni është vazhdimësi e operacionit të zhvilluar më 24 shkurt 2021.
“Lidhur me zhvillimet e këtij aksioni do të njoftoheni me kohë”, bën të ditur prokuroria.
Ky aksion po zhvillohet në Agjencinë për Zhvillimin e Bujqësisë, por pritet të zhvillohet edhe në komuna të tjera të Kosovës.
Ministri i Punëve të Brendshme, Xhelal Sveçla ka thënë se luftimi i krimit dhe korrupsionit mbetet “Top” Prioritet i ministrisë që ai udhëheqë.
“Për gati 100 ditë, dinamika jonë e angazhimit e lartë, si në Kosovë, rajon dhe më gjerë. Ky angazhim, do të vazhdojë të rritet tutje, duke prodhuar rezultate konkrete çdo ditë për qytetarët tanë”, ka thënë ai.
Ndërkohë Ministrja e Drejtësisë, Albulena Haxhiu, potencuar se zyrtarët që kanë abuzuar me detyrën e tyre zyrtare dhe janë pasuruar kundërligjshëm do të japin përgjegjësi. Deklarimi i saj ka ardhur pak minuta pasi Policia e Kosovës arrestoi disa zyrtarë të Agjencisë për Zhvillimin e Bujqësisë, nën dyshimin për keqpërdorime me subvencione.
“Përgëzoj institucionet për punën lidhur me rastin e keqpërdorimeve me subvencione. Abuzuesit herët apo vonë do të dalin para drejtësisë! Shteti i së drejtës nuk ka alternativë”, ka shkruar ajo në Facebook.Aksioni është zhvilluar nga Departamenti i Krimeve të Rënda, në Ministrinë e Bujqësisë dhe në zyrat e kësaj ministrie në Prishtinë, Lipjan, Istog dhe Gjilan.
“Në bazë të provave janë bërë bastisje në disa zyre dhe vendbanime të personave ku janë konfiskuar: 433,160.00 euro, 600 dollar, 200 franga, 275 lira turke, 15 telefona, 8 vetura, 1 kompjuter, 5 armë, 1 USB dhe 1 vulë”, kishte njoftuar policia, pas aksionit të zhvilluar në disa qytete të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
Alejandra Rodriguez konkurron për Miss Universe në moshën 60-vjeçare
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”