Ministri i Mjedisit, Liburn Aliu, në një konferencë për media ka mohuar akuzat e organizatës “Pishtarët” se me planin për rehabilitimin e Zallit të Rupës në Deçan, po e përgatit terrenin për t’i aprovuar dy hidrocentrale që të fillojnë operimin sa më shpejt.
“Në kontakt me udhëheqësin e ‘Riverwatchit’, në tetor është dalë me propozim. Kemi pasur diskutim dhe jemi pajtuar që organizata ‘Riverwatch’ të përzgjedhë një grup ekspertësh, ama ta bëjnë ata, e të cilin ‘Kelkos’ e angazhon. Ne nuk përzgjedhim, por e përzgjedh ‘Riverwatch’, tha Aliu në një konferencë për media.
“Nëse ka ndërmarrje nga një autoritet botëror në fushën e ujërave, ne e respektojmë”.
Sipas tij, “profesori është rekomanduar nga organizata ‘Riverwatch’ dhe i zgjedhur nga ‘Kelkos’ me rekomandim të tyre.Bëhet fjalë për koncept të Zallit të Rupës”.
“Është hap përpara sepse s’kemi pasur asnjë të tillë deri tash. Vjen një ekspert botëror dhe e bën një koncept se si do të mund të restaurohej. Shpresa Loshaj na akuzon neve për mostransparencë. Sapo e kemi marrë konceptin ne e kemi publikuar”.
“Ne s’kemi marrë pjesë në hartim të projektit”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
