![](https://albanianpost.com/wp-content/uploads/2024/05/3f702803-9f6a-4328-a2bc-3fdb081aee30-1.jpg)
“Bashkërendim i agjendës ndërkombëtare”, ka qenë tema e takimit mes Presidentes së Kosovës, Vjosa Osmani dhe Ambasadorit Amerikan, Jeff Hovenier, të cilët u takuan në zyrën e presidentes, siç u tha “në kuadër të takimeve të rregullta”.
Lajmin e ka bërë të ditur Zyra e Presidencës përmes një komunikate për media, ku thuhet se temë e takimit gjithashtu ishte edhe “kërcënimi i vazhdueshëm i Serbisë”.
Temë ishte edhe “të drejtat e komuniteteve jo shumicë”, thuhet në komunikatë.
Pos Osmanit, Hovenier është takuar edhe me kryetarin e Lidhjes Demokratike të Kosovës, Lumir Abdixhikun.
Sipas njoftimit të këtij të fundit, me ambasadorin ka diskutuar “për vizionin e Kosovës dhe bashkëpunimin me Shtetet e Bashkuara të Amerikës”.
“Kënaqësi, si gjithëherë bashkëbisedimi e pajtimi për vizionin euroatlantik të Republikës së Kosovës, si dhe ecja e ngushtë me ShBA-të në të gjitha rrugëtimet tona përpara!”, ka shkruar ai.
Osmani dhe Hovenier kishin zhvilluar takimin e fundit më 2 maj.
Atëherë patën diskutuar për largimin e masave kufizuese nga Bashkimi Evropian (BE).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com