Pas ndarjes së 40 milionë eurove për ndërmarrjen publike “KOSST” nga Qeveria e Kosovës, ka reaguar ish-kryeministri i Kosovës, Avdullah Hoti.
Ai përmes një shkrimi në rrjetin social ‘Facebook’, ka kërkuar sqarim nga ekzekutivi se si do ndahen këto mjete.
“40 milionë euro për KOSTT-in?! Me çfarë plani ndahen këto mjete? A duhet ky vendim të sillet në Kuvend siç u veprua vitin e kaluar?!”.
Sipas tij, “furnizimi me energji nuk zgjidhet me bateria, pasi ato ndihmojnë vetëm në stabilitetin e sistemit. Furnizimi stabil afatgjatë sigurohet me ndërtim të kapaciteteve të reja, të cilat mund të jenë me qymyr ose me gaz”.
Ish kryeministri, ka përmendur edhe dimrin e vitit të kaluar e që sipas tij “ishte tepër vonë për të intervenuar”.
“Ndërkaq, sivjet u miratua një vendim para dy jave në Kuvend, por ai nuk përmban asnjë masë konkrete, përveç detyrave të rregullta që duhet të kryejë KEK-u pavarësisht këtij vendimi dhe thirrjet për kursim të energjisë”.
Hoti shtoi se situata e krijuar ka bërë që të gjitha kompanitë energjetike të kenë borxhe.
“Sot kompanitë kryesore energjetike, si KESCO, KEDS, KEK dhe KOSTT, kanë borxhe ndaj njëra tjetrës. Ato e kanë të vështirë të kryejnë edhe obligimet e tyre të rregullta, e lëre më të blejnë energji paraprakisht për dimër dhe të përgatiten për krizën që na pret”.
Pajtimi i arritur në mes të Kosovës dhe Serbisë për Udhërrëfyesin për Implementimin e Marrëveshjes për Energjinë me 21 qershor në Bruksel ka mbetur – si gjithmonë – vetëm në letër.
Afatet që parashihen në udhërrëfyes për implementim nuk po respektohen – duke filluar nga i pari.
Në pikën dy të udhërrëfyesit thuhet se “brenda shtatë ditësh të pajisjes me licencë, Elektrosever do t’i ofrojë KEDS-it dhe KOSTT-it të dhënat e fundit të disponueshme të konsumatorëve në Veri, përmes Bashkimit Evropian”.
Jo shtatë, por kanë kaluar më shumë se 1 muaj nga marrja e licencës së Elektroseverit nga ZRrE-ja dhe kompania serbe nuk ka dorëzuar, ashtu siç parashihet me marrëveshje, të dhënat për konsumatorë.
Të pyetur nga Albanian Post nga Operatori i Sistemit, Transmisionit dhe Tregut të Energjisë Elektrike në Kosovë kanë treguar se nuk është respektuar ajo që është akorduar në marrëveshje.
“Kompania Elektrosever nuk i ka siguruar ende KOSTT-it të dhënat siç parashihet në pikën e dytë në Udhërrëfyesin për Zbatimin e Marrëveshjes për Energjinë”, thuhet në përgjigjen e KOSTT-it.
Por, jo vetëm ky afat dhe jo vetëm kjo pikë.
Një dyzinë marrëveshjesh që pritej të nënshkruheshin në mes të Elektroseverit, KOSTT-it dhe KEDS-it nuk janë nënshkruar po ashtu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Platforma “Mirëqenia psikologjike” dhe lufta për ta hequr stigmën rreth shëndetit mendor – 50% e të rinjve me mirëqenie të ulët psikologjike
-
Pas rreth 8 orësh, Prokuroria Speciale përfundon intervistimin e Martin Berishajt
-
Bislimi – për të përfituar nga fondet e BE’së – pranon të nënshkruajë marrëveshje ndërkufitare me Malin e Zi
-
BE: Zbatim i plotë i Marrëveshjes Bazë, pavarësisht votimit të Serbisë në KiE
Lajmet kryesore
-
Pas rreth 8 orësh, Prokuroria Speciale përfundon intervistimin e Martin Berishajt
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ecuria e reformës në drejtësi në fokus të takimeve të delegacionit shqiptar të drejtësisë në SHBA
-
Bislimi – për të përfituar nga fondet e BE’së – pranon të nënshkruajë marrëveshje ndërkufitare me Malin e Zi